+21 °С
Болотло
Милли проекттар
19 Июнь 2021, 10:30
Ҡыйғы районында завод асылды
"Ул – Ҡыйғы районында бер йыл эсендә сафҡа индерелгән икенсе предприятие. Ҙур булмаған район өсөн был бик яҡшы".
Ҡыйғы районында ҡыҫҡа ваҡытта – биш айҙа яңы асфальт-бетон заводы төҙөнөләр. Был хаҡта Башҡортостан Башлығы Радий Хәбиров хәбәр итте.
“Республиканың төньяҡ-көнсығышы үҫешә. Ҡайҙалыр, Өфөнән алыҫ арала урынлашыуға бәйле беҙгә үҙәк райондарға кеүек етерлек иғтибар күрһәтмәйҙәр, тип үпкәләйҙәр. Төп мәсьәләләрҙең береһе – юлдар. Шуға ла асфальт-бетон заводы төҙөү бурысы ҡуйҙыҡ, кисә Ҡыйғы районының Дүшәнбәк ауылында уны астыҡ”, – тип белдерҙе Радий Хәбиров.
Заводтың йыһазланышы асфальт-бетон ҡатнашмаһының төрлө төрөн сығарыу мөмкинлеге бирә.
Башҡортостан Башлығы ҙур ваҡиға айҡанлы етәкселекте һәм Ҡыйғы районы халҡын ҡотланы. “Әйткәндәй, асфальт-бетон заводы – Ҡыйғы районында бер йыл эсендә сафҡа индерелгән икенсе предприятие. Ҙур булмаған район өсөн был бик яҡшы. Зөһрә Мәүлитбай ҡыҙы һәм коллегалар, уңыштар!” - тине ул.
Әйтергә кәрәк, был мөһим башланғыс Рәсәй Президенты Владимир Путиндың май указдарына ярашлы ҡабул ителгән “Хәүефһеҙ һәм сифатлы автомобиль юлдары” милли проектын бойомға ашырыуға, яҡшы юлдар һалыуға булышлыҡ итәсәк.
Фото: "Башинформ".
