Табиптар шатланып бөтә алмай...

Стәрлебаш үҙәк район дауаханаһында капиталь ремонттан һуң ике өр-яңы кабинет асылды:  рентген һәм флюорография кабинеттары. “Һаулыҡ һаҡлау” милли проектының “Һаулыҡ һаҡлауҙың тәүге звеноһын яңыртыу” маҡсатлы программаһына ярашлы, кабинеттар заманса медицина ҡорамалдары, техника, кәрәк-яраҡтар  менән тулыһынса  йыһазландырылды.

Ҡиммәтле ҡорамал Рәсәйҙә етештерелгән, элеккеләренән киң функциялы, уңайлы һәм һүрәттәренең сифатлы булыуы менән айырыла. Медицина хеҙмәткәрҙәре  бындай яҡшы үҙгәрештәргә шатланып бөтә алмай. Дауахананың матди-техник базаһы яңырыуы пациенттарҙы хеҙмәтләндереүҙә мотлаҡ сағылыш табасаҡ. Белгестәр тәүге ауырыуҙарҙы ҡабул итә башлаған да инде.

– Был ваҡиға минең өсөн, табип-ренгенолог булараҡ, айырыуса шатлыҡлы. Бөтә хеҙмәттәштәрем, райондаштарым өсөн дә көтөп алынған һөйөнөслө ваҡиға! – ти Стәрлебаш үҙәк район дауаханаһының баш табибы Ф.Хәбибуллин. – Персонал  тулыһынса  уҡытылған, өйрәтелгән һәм яңы аппараттарҙа эшләргә әҙер!

Рәсәй Президенты Владимир Путиндың “май” указдарына ярашлы, һаулыҡ һаҡлау тармағы алдында торған ошо бурыстарҙы тормошҡа ашырырға кәрәк: хеҙмәткә һәләтле йәштәге халыҡтың үлем күрһәткестәрен кәметеү, шулай уҡ яман шештәрҙән үлем күрһәткестәрен ( 100 мең кешегә 185 сир осрағына тиклем) аҙайтыу, тәүге медицина хеҙмәттәренән һәр кемдең файҙаланыу мөмкинлектәрен арттырыу.

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Сығанаҡ: https://srk.nationalpriority.ru/press_releases/139411

Фото: Стәрлебаш район хакимиәте.