Концерттарҙы онлайн ҡараясаҡтар

Нефтекама дәүләт филармонияһында виртуаль концерт залы асылды. Был киң күләмле сара Рәсәй Президенты Владимир Путиндың май указдарына ярашлы ҡабул ителгән “Мәҙәниәт” милли проекты ярҙамында бойомға ашырылған.

– Виртуаль концерт залы Нефтекама халҡына билдәле Рәсәй һәм донъя башҡарыусыларының концертын яҙма аша ғына түгел, ә онлайн ишетеү һәм күреү мөмкинлеген бирә, бының менән ул берҙәм мәҙәни-музыка киңлек тыуҙыра һәм тыңлаусылар аудиторияһын киңәйтеүгә булышлыҡ итә. Уның барлыҡҡа килеүе классик музыкаға ҡыҙыҡһыныуҙы арттырыуға, рухи үҫешкә, йәш быуынға иң яҡшы донъя башҡарыусылары менән танышыу мөмкинлеген бирә. Бындай мөмкинлек тыуыуына беҙ “Мәҙәниәт” милли проектына рәхмәт әйтәбеҙ. Проект Башҡортостан Хөкүмәте, Башҡортостан Мәҙәниәт министрлығы һәм мәҙәниәт министры Әминә Шафиҡованың ярҙамы менән тормошҡа ашырылды, – тип билдәләне Нефтекама дәүләт филармонияһы директоры Ринат Рәшит улы Ғайсин.

Тамерлан Хәлитовтың “Тере музыка кисе” классика концерты виртуаль концерт залында беренсе тамаша булған, ул 22 сентябрҙә ҡуйылған. Ә 30 сентябрҙә филармонияның виртуаль концерт залында 24-се концерт миҙгелен асыу тантанаһы үтте. Сарала нефтекамаларға Хөсәйен Әхмәтов исемендәге Башҡорт дәүләт филармонияһынан һәм Учалы филармонияһынан коллегалары видеоҡотлау һүҙҙәрен еткерҙе. Әлбиттә, улар өсөн был көтөлмәгән бүләк булған.

Фото: https://neft-gf.ru/v-neftekamskoj-gosudarstvennoj-filarmonii-sostojalos-otkrytie-virtualnogo-koncertnogo-zala/      

#нефтекамскаягосударственнаяфилармония

#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан