Башҡортостан игененә ихтыяж ҙур

Быйыл туғыҙ айҙа Башҡортостандың ауыл хужалығы етештереүселәре донъяның 19 иленә иген һәм иген продукцияһы һатҡан.

Ветеринария һәм фитосанитария күҙәтеүе федераль хеҙмәтенең Башҡортостан Республикаһы буйынса идаралығы экспортҡа сығарылған 125,43 тонна иген һәм иген продукцияһын тикшергән.

Башҡорт игенен Бельгия, Венгрия, Германия, Дания, Нидерланд, Норвегия, Польша, Латвия, Литва, Азербайжан, Әрмәнстан, Беларусь, Грузия, Ҡазағстан, Ҡырғыҙстан, Үзбәкстан, Ҡытай, Монголия һәм Төркиә кеүек илдәргә оҙатҡандар.

Сит илгә ебәрелгән иген культуралары күләме 75,96 мең тонна булһа, шуның 46,52 мең тоннаһы – арпа, 15,09 мең тоннаһы – бойҙай, 8,92 мең тоннаһы – етен, 2,47 мең тоннаһы – арыш, 750 тоннаһы – ҡарабойҙай, 260 тоннаһы – гәрсис.

Барлыҡ йөк партияларынан өлгөләр һынау үткән, карантинда булған үҫемлекселек сығышлы тауарҙар сит илдәрҙең талаптарына яуап биргән фитосанитария һығымтаһы алды. Ветеринария һәм фитосанитария күҙәтеүе федераль хеҙмәтенең Башҡортостан Республикаһы буйынса идаралығы 2277 экспорт фитосанитария сертификаты биргән.

Был күрелгән сара Рәсәй Президенты Владимир Путиндың май указдарына ярашлы ҡабул ителгән “Халыҡ-ара кооперация һәм экспорт” милли проектын республикала ғәмәлгә ашырыуға булышлыҡ итә.

Фото: ru24.net

#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан