“Һаулыҡ һаҡлау” милли проекты һәм һаулыҡ һаҡлауҙың тәүге звеноһын яңыртыу программаһына ярашлы, Яңауыл районында яңы модулле фельдшер-акушерлыҡ пункттары төҙөлә.
– Быйыл алты тораҡта – Айбүләк, Эткенә, Андреевка, Ҡаймашабаш, Ахтиял, Татар Ураҙы ауылдарында модулле объекттар төҙөләсәк, – тине Яңауыл үҙәк район дауаханаһының баш табибы Тимур Мадъяров.
Айбүләк һәм Эткенә ауылдарында пункттар монтажланған да инде.Тәүгеһендә медицина ярҙамын 341 кеше ала. Эткенә фельдшер-акушерлыҡ пунктына 800-ҙән ашыу кеше беркетелгән. "Беҙҙең районда үҙ эшенә бөтә күңеле менән бирелгән фельдшерҙар эшләй. Улар яңы ФАП-тарға барыһынан да нығыраҡ шатлана. Эткенә ауылында йәш белгестәр эшләйәсәк, Зөлфиә Рәшитова – акушерка, Инара Ғәбтиева – “Ауыл фельдшеры” программаһында ҡатнашыусы.
Медицина пункттары заман талаптарына ярашлы төҙөлә, эш шарттары уңайлы буласаҡ. Йыл аҙағына тиклем республикала 73 модулле фельдшер-акушерлыҡ пунктын файҙаланыуға тапшырыу планлаштырыла.
Рәсәй Президенты Владимир Путиндың “май” указдарына ярашлы, 2024 йылға ил үҫешенең төп маҡсаттарын тәьмин итергә кәрәк: халыҡ һанын арттырыу, граждандарҙың тормош кимәлен күтәреү. Шуларҙың араһында иң мөһиме – сабыйҙар үлемен бер мең яңы тыуған сабыйға 5,5 осраҡтан 2024 йылға 4,5 осраҡҡа тиклем кәметеү.
Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән халыҡ өсөн.
ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан
Фото: Һаулыҡ һаҡлау министрлығы.