Төпкөл ауылдарҙа ҡыуаналар

Башҡортостандың Һаулыҡ һаҡлау министрлығынан хәбәр итеүҙәренсә, Рәсәй Президенты Владимир Путиндың май указы менән раҫланған “Һаулыҡ һаҡлау” милли проектының “Тәүге медицина-санитария ярҙамы күрһәтеү системаһын үҫтереү” федераль проектына ярашлы, Әбйәлил районының Яңы Балапан һәм Шәрип ауылдарында яңы модулле фельдшер-акушерлыҡ пункттары төҙөлә.

Әле Яңы Балапан ауылында модулле ФАП ҡорола башлаған. Ауылдағы элекке фельдшер пункты 1979 йылда төҙөлгән була һәм күптән санитария-гигиена талаптарына яуап бирмәй.

Асҡар үҙәк район дауаханаһының баш табибы Илгиз Килдейәров әйтеүенсә, яңы ФАП ашығыс медицина ярҙамы күрһәтеү өсөн ҡорамалдар һәм дарыуҙар  менән тәьмин ителәсәк. Фельдшер-акушерлыҡ пунктының 300-ҙән ашыу кешене хеҙмәтләндереүе күҙаллана, шуның 100-ҙән ашыуы – балалар.

Был төҙөлөштәрҙең барыһы ла Владимир Путиндың май указдарын тормошҡа ашырыу сиктәрендә башҡарыла. Мәғлүм булыуынса, "Һаулыҡ һаҡлау" милли проекты үҙ эсенә һигеҙ федераль проектты ала.

Фото: "Башинформ".

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан