“Аҡ юл” йәштәргә аҡ юл теләй

Рәсәй Федерацияһында “Мәғариф” өҫтөнлөклө милли проекты (национальный проект “Образование”) уңышлы тормошҡа ашырыла. Илебеҙ Президенты Владимир Владимирович Путин билдәләүенсә, милли проекттарҙың һәммәһенең дә төп маҡсаты – граждандарҙың тормош кимәлен яҡшыртыу, халыҡҡа йәшәйештә уңайлы шарттар тыуҙырыу. 

Башҡортостан етәкселеге лә мәғариф йүнәлешенә айырыуса етди иғтибар бүлә, “Мәғариф” милли проекты нигеҙендә төрлө уй-пландар тормошҡа ашырыла.  Мәҫәлән, Өфөлә 19-20 декабрь “Мәғариф” өҫтөнлөклө проекты сиктәрендә “Аҡ юл” йәштәр мөхитендә террорсылыҡты һәм экстремизмды иҫкәртеү һәм профилактикалау мәсьәләләре буйынса республика форумы уҙа. Сарала 100-ҙән ашыу кешенең ҡатнашыуы көтөлә. Санитария-эпидемиология ҡағиҙәләре тулыһынса үтәлә, унда ҡатнашыусылар бер нисә төркөмгә бүленгән.

– “Аҡ юл” форумы икенсе тапҡыр ойошторола, – тип һөйләй Башҡортостан Йәштәр сәйәсәте буйынса дәүләт комитеты рәйесе Яна Гайдук. – Милләт-ара һәм конфессия-ара тыныслыҡты булдырыу, террорсылыҡты һәм экстремизмды профилактикалау, йәштәр араһында тәртипһеҙлеккә юл ҡуймау, йәштәр менән эшләгән белгестәрҙең белемен күтәреүҙе маҡсат итеп ҡуйҙыҡ.

 Фото: mbouco58.ru

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан