Иң төпкөл ауылға – яңы ФАП

Яңы йыл алдынан Баҡалы районында өр-яңы фельшер-акушерлыҡ пункты үҙ ишектәрен асҡан.

 Һүҙ Нуғайбәк ауылы хаҡында бара. Был - райондағы иң төпкөл ауылдарҙың береһе. Район үҙәгендәге дауаханаға, табиптарға барыу өсөн  50 километр самаһы  юл үтергә кәрәк.

Бығаса медпункт урынлашҡан бина авария хәлендә булған.

Яңы модулле фельдшер-акушерлыҡ пунктын ил Президенты Владимир Путиндың май указдары тарафынан раҫланған “Һаулыҡ һаҡлау” милли проекты (национальный проект "Здравоохранение") сиктәрендә төҙөгәндәр. Нуғайбәктәге медицина учреждениеһы – быйыл районда сафҡа индерелгән ошондай өс ФАП-тың береһе.

 –  Элекке бинала һалҡын һәм шыҡһыҙ ине. Бында иһә барыһы ла заманға ярашлы итеп төҙөлгән, йыһаздар өр-яңы, яҡты, йылы, - ти ауыл фельдшеры Елена Мищерякова.

#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Фото: health.bashkortostan.ru