Ике ауылда тиҙҙән ФАП асыла

Стәрлебаш районы хакимиәтенән хәбәр итеүҙәренсә, Рәсәй Президенты Владимир Путиндың май указы менән раҫланған “Һаулыҡ һаҡлау” милли проектының (национальный проект "Здравоохранение") “Тәүге медицина-санитария ярҙамын үҫтереү” федераль проектының “Һаулыҡ һаҡлауҙың түбәнге звеноһын яңыртыу” төбәк программаһын тормошҡа ашырыуға ярашлы, Стәрлебаш районының ике ауылында яңы фельдшер-акушерлыҡ пункттары төҙөлөшө әүҙем бара.

Яңы йылға тиклем подряд ойошмаһы Йәшергән һәм Һарайҫа ауылында яңы ФАП-тар төҙөлөшөн ахырына еткерҙе тиерлек. Әле бригада объекттарҙа эске эштәргә, атап әйткәндә, иҙәнгә бетон түшәүгә, стеналарҙы йөҙләүгә тотондо.

Үҙәк район дауаханаһының баш табибы Ф.К. Хәбибуллин әйтеүенсә, быйыл бөтә төҙөлөш-ремонт эштәрен тамамлау, кәрәкле ҡорамалдар килтереү планлаштырыла, сөнки халыҡтың һаулығын һаҡлау нигеҙҙәренең береһе – медицина ярҙамына эйә булыу мөмкинлеген арттырыу.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: srk.nationalpriority.ru/press_releases/207365

Сығанаҡ: https://srk.nationalpriority.ru/press_releases/207365