Предприятиеларҙа процестар барышы 31 процентҡа кәмегән.

Башҡортостанда Рәсәй Президенты Владимир Путиның “май” указдарында билдәләнгән “Хеҙмәт етештереүсәнлеге” милли проекты (национальный проект "Производительность труда") тормошҡа ашырыла башлағандан бирле, проекта ҡатнашыусы предприятиеларҙа процестар барышы 31 процентҡа кәмегән. Был төбәк компетециялар үҙәге эксперттары ҡатнашлығында тормошҡа ашырылған проекттар буйынса уртаса күрһәткес. БР иҡтисади үҫеш һәм инвестиция сәйәсәте министры урынбаҫары Айрат Фәхретдинов ошо турала хәбәр итә.

• “Хеҙмәт етештереүсәнлеге” милли проекты предприятиелар өсөн бик мөһим. Башҡортостандың Хеҙмәт етештереүсәнлеге өлкәһендәге компетенциялар буйынса төбәк үҙәге ярҙамында предприятиеларҙа һаҡсыл етештереү алымдары уңышлы ҡулланыла. 2021 йылда республика хеҙмәт етештереүсәнлеген арттырыу буйынса милли проектты тормошҡа ашырыу планы күрһәткестәрен 40 процентҡа арттырып үтәгән. Уға 127 предприятие ингән. 2,1 меңдән ашыу белгес һаҡсыл етештереү нигеҙен өйрәнгән. Республика предприятиеларында хеҙмәт етештереүсәнлеге уртаса 23 процентҡа артҡан, – тип билдәләне министр урынбаҫары.

Иҫегеҙгә төшөрәбеҙ, Рәсәй Президенты Владимир Путиндың  2018 йылдағы май указындағы  “Хеҙмәт етештереүсәнлеге” милли проектына ярашлы, 2024 йылға тиклем  илдә хеҙмәт етештереүсәнлеген йылына  биш процентҡа арттырыу ҡаралған.

#ВладимирПутин

#национальныепроекты#нацпроекты

#региональныепроекты#регпроекты#нацпроектыБашкортостан