Табиптарҙың эшен еңеләйтәсәк

“Һаулыҡ һаҡлау” милли проектына һәм “Онкология сирҙәре менән көрәш” төбәк проектына ярашлы, Нефтекама ҡала дауаханаһына ашҡаҙан-эсәк юлын тикшереү өсөн заманса эндоскоптар алынды.  Fujinon фирмаһы ҡорамалдары табиптарҙың эшен еңеләйтә, күп функцияларға эйә, башҡарылған ғәмәлдәрҙең етештереүсәнлеген арттыра.

–Ҡорамал файҙаланыуға тапшырылды ла инде, табиптар уның ярҙамында пациенттарҙы тикшереп, медицина техникаһы өҫтөнлөктәрен баһаларға өлгөрҙө. Заманса япон аппаратында тикшеренеүҙәр үткәреү эндоскопик процедуралар барышында бик ваҡ анатомик структураларҙы ентекле өйрәнергә ярҙам итә, - тип билдәләне табип-эндоскопист Азамат Низамов.

Ҡорамал  һүрәттәрҙең юғары сифатлылығын тәьмин иткән оптика менән йыһазландырылған. Табиптар гастроскоптың ҡалынлығын да баһалай - 8,5 миллиметр. Бындай ҡалынлыҡтағы эндоскоп пациенттарҙы тикшереү эшен еңеләйтә, уҡшытыу рефлексын тыуҙырмай, ти табиптар.

Рәсәй Президенты Владимир Путиндың “май “ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә  һанлы технологияларҙы индереү мөһим бурыстарҙың береһе булып тора.

”Һаулыҡ һаҡлау” милли проектының төп маҡсаты – хеҙмәткә һәләтле йәштәге халыҡтың үлем күрһәткестәрен,  ҡан әйләнеше сирҙәренән, яман шештәрҙән үлем осраҡтарын  кәметеү, инновацион медицина технологияларын индереү, шул иҫәптән пациенттар сәләмәтлеген  иртә диагностикалау һәм дистанциянан тороп мониторинг үткәреү алымдарын ҡулланыу.

Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән  халыҡ өсөн.

 ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Фото: Һаулыҡ һаҡлау министрлығы.