Белгестәр яңы ҡорамалды үҙләштерҙе

2019 йылдан башлап республикала “Йөрәк-ҡан тамырҙары менән көрәш” төбәк проекты тормошҡа ашырыла. Шуға ярашлы ғинуар айында Бөрө дауаханаһына 7,5 миллион һумлыҡ  MyLab X7  ультратауыш аппараты алынды.  

Яңы технологиялар эште сифатлыраҡ, йәһәтерәк һәм ышаныслыраҡ  башҡарырға ярҙам итә. IPS технологиялы яҡтылыҡ диодлы монитор  ярҙамында элек күреп булмаған  деталдәрҙе асыҡ күҙәтергә мөмкин. Ә өр-яңы заманса юғары һиҙгерлекле гемодинамик баһа иң ҡатмарлы осраҡтарҙа ла теүәл һәм ышаныслы анализ яһарға ярҙам итә. Ҡорамал брахиоцеваль тамырҙарҙы, транскраниаль тикшереүҙәрҙе башҡарыу өсөн ҡулланыла.

Билдәле, бындай юғары класлы аппараттарҙа эшләү өсөн белемле, яңы технологияларҙы үҙләштергән белгестәр кәрәк. Гүзәл Шакирова, Ләйсән Ғәҙелшина, Елена Петрова тап шундай алдынғы табиптарҙан, улар яңы ҡорамалдарҙы үҙләштереп, тәүге пациенттарҙы ҡабул иткән. 8 февралдән алып иллегә яҡын тикшереү үткәрелгән.

–Яңы система тикшереү ваҡытын ҡыҫҡартыуға һәм төрлө  автоматик функциялар ярҙамында эш процесын яҡшыртыуға йүнәлтелгән,–  ти функциональ диагностика табибы Гүзәл Шакирова.

Рәсәй Президенты Владимир Путиндың “май“ указына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә  һанлы технологияларҙы индереү мөһим бурыстарҙың береһе булып тора. ”Һаулыҡ һаҡлау” милли проектының төп маҡсаты – хеҙмәткә һәләтле йәштәге халыҡтың үлем күрһәткестәрен, ҡан әйләнеше сирҙәренән, ямаш шештәрҙән үлем осраҡтарын кәметеү, инновациялы медицина технологияларын индереү, шул иҫәптән пациенттар сәләмәтлеген иртә диагностикалау һәм дистанциянан тороп мониторинг үткәреү алымдарын ҡулланыу.

Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән халыҡҡа.

 ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Фото:Һаулыҡ һаҡлау министрлығы.