Заманса светофорҙар урынлаштырыла

Рәсәй Федерацияһында “Хәүефһеҙ һәм сифатлы юлдар” өҫтөнлөклө милли проекты (национальный проект “Безопасные качественные дороги”) уңышлы тормошҡа ашырыла. Илебеҙ Президенты Владимир Путин билдәләүенсә, милли проекттарҙың төп маҡсаты – граждандарҙың тормош кимәлен яҡшыртыу, халыҡҡа йәшәйештә уңайлы шарттар тыуҙырыу. 

Башҡортостан етәкселеге лә был йүнәлешкә етди иғтибар бүлә, төрлө уй-пландар тормошҡа ашырыла. Мәҫәлән, быйыл Стәрлетамаҡ ҡалаһында 11 километр юлды ремонтларға уйлайҙар һәм һигеҙ урында светофорҙы яңыртасаҡтар. Был маҡсат өсөн 165 миллион һумдан ашыу аҡса бүленер тип көтөлә.

– “Хәүефһеҙ һәм сифатлы юлдар” милли проектының төп маҡсаты – 2030 йылға хәтлем юл-транспорт ваҡиғаһында үлемде мөмкин хәтлем кәметеү, – тип һөйләй Башҡортостан юл һәм транспорт министры Александр Булушев. – Был тәңгәлдә уй-ниәттәр киләсәктә лә эҙмә-эҙлекле дауам итәсәк.

Шул иғтибарға лайыҡ, Башҡортостан күп милли проекттарҙы тормошҡа ашырыу буйынса илебеҙҙә өлгө булып тора.

Әле Стәрлетамаҡ ҡалаһының Дуҫлыҡ урамында (2-се гимназия янында), Артем урамында (“Арбат” сауҙа үҙәге янында), шулай уҡ Коммунистик урамында, Тыныслыҡ һәм Богдан Хмельницкий урамдары киҫелешендә, Ҡаранай Моратов урамында, Хоҙайбирҙин һәм Тыныслыҡ урамдары киҫелешендә өр-яңы светофорҙар урынлаштырыласаҡ, үҙ сиратында, был урындар тиҙҙән яңы төҫ аласаҡ.   

Фото: drive2.ru

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан