Эттәрҙе лә, уларҙың хужаларын да ҡыуандырып...

Октябрьский ҡалаһы хакимиәтенән хәбәр итеүҙәренсә, тиҙҙән ҡаланың 35-се биҫтәһендә йәшәгәндәр өсөн дүрт аяҡлы дуҫтары – эттәр менән саф һауала йөрөү, уларға күнекмәләр үткәреү өсөн махсус  йыһазландырылған сквер барлыҡҡа киләсәк. Унда шулай уҡ эскәмйәләр, яҡтыртҡыстар ҡуйыу, яуым-төшөм ваҡытында йәшеренеү өсөн башы ябылған туҡталҡалар эшләү күҙаллана.

Ҡалала төҙөк парктар, скверҙар, ял зоналары барлыҡҡа килһен өсөн урындағы халыҡҡа май аҙағына тиклем https://2.gorodsreda.ru платформаһында тауыш бирергә кәрәк. Унда 14 йәше тулған һәр кеше ҡатнаша ала. Ҡала хакимиәте мәғлүмәттәренә ҡарағанда, һайлау өсөн дүрт дизайн-проект тәҡдим ителә.

Мәғлүм булыуынса, республикала был йүнәлештә эш Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектының (национальный проект “Жилье и городская среда”) “Уңайлы ҡала мөхите булдырыу” федераль проектына ярашлы тормошҡа ашырыла.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: srk.nationalpriority.ru/press_releases/259006

Сығанаҡ: https://srk.nationalpriority.ru/press_releases/259006