Урам фестиваленә саҡыралар

Дүртөйлө районы хакимиәтенән хәбәр итеүҙәренсә, ошо көндәрҙә йәштәр “Иген” скейт-паркын биҙәрлек яңы арт-объект өсөн рәсем төшөрөү менән мәшғүл булды. Элекке һыра заводы стенаһына төшөрөлгән һүрәттең нигеҙен тап уларҙың идеяһы тәшкил итәсәк.

“Мин – Дүртөйлө” урам мәҙәниәте фестиваленең тәүге ваҡиғаһы 9 июндә үтте. Ул Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектына (национальный проект “Жилье и городская среда”) ярашлы Дүртөйлөлә уңыйлы ҡала мөхите булдырыуға йүнәлтелде.

Әле иһә 60 бала командаларға берләшеп, уртаҡ рәсем яһаны. Йәмғеһе алты эш килеп сыҡты. Уларға Дүртөйлө художество мәктәбе, Балалар ижады үҙәге, “Ғаилә” үҙәге педагогтары, ҡала хакимиәтенең йәштәр менән эшләү бүлеге хеҙмәткәрҙәре ярҙам итте.

“Балалар урындағы рәссамдарҙы үҙҙәренең эш һөҙөмтәһе менән таныштырҙы. Оҫталар етәкселегендә был һүрәттәр өс призма-киндергә күсерелә. Әҙер арт-объекттар “Иген” скейт-паркының биҙәгенә әүереләсәк. Оҫтахананың иң яҡшы идеялары муралда донъя күрәсәк”, – тине ойоштороусылар.

Теләге булғандарҙы 17 июндә урам фестиваленә көтәләр.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: durtuli.bashkortostan.ru/presscenter/news

Сығанаҡ: https://srk.nationalpriority.ru/press_releases/272533