Спонсорҙар ярҙам итте

Өфөләге 21-се ҡала дауаханаһы Японияла етештерелгән яңы эндоскопик ҡорамал алды. Ул абдоминаль хирургия, колопроктология, гинекология һәм урологияла аҙ тишемле лапароскопик операциялар үткәреү өсөн тәғәйенләнгән. Ҡорамал элеккеһенән һүрәттәренең аныҡлығы менән айырыла.

Яңы ҡорамалды презентациялауға уны алыуға ярҙам иткән спонсорҙар, Социаль маҡсатлы программалар фонды вәкилдәре саҡырылды. Шуларҙың береһе танылған хирург Вил Тимербулатов осрашыуҙа түбәндәгеләрҙе белдерҙе: ”Эндоскопик хирургияла лидерлыҡты тотҡан 21-се дауаханаға ярҙам итеп,  беҙ бөтә республикаға ярҙам итәбеҙ тигән һүҙ”. 21-се ҡала дауаханаһының баш табибы Ринат Нагаев  ҡунаҡтарға дауахананың матди-техник базаһын нығытыуға ярҙамдары өсөн рәхмәт белдерҙе.

Рәсәй Президенты Владимир Путиндың “май “ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә  һанлы технологияларҙы индереү мөһим бурыстарҙың береһе булып тора.

”Һаулыҡ һаҡлау” милли проектының төп маҡсаты – хеҙмәткә һәләтле йәштәге халыҡтың үлем күрһәткестәрен,  ҡан әйләнеше сирҙәренән, яман шештәрҙән үлем осраҡтарын  кәметеү, инновацион медицина технологияларын индереү, шул иҫәптән пациенттар сәләмәтлеген  иртә диагностикалау һәм дистанциянан тороп мониторинг үткәреү алымдарын ҡулланыу.

Һаулыҡ һаҡлауҙың тәүге звеноһын яңыртыу программаһының маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән  халыҡ өсөн.

 ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Фото: Һаулыҡ һаҡлау министрлығы.