Идара итеүҙең ете баҫҡысын өйрәнәләр

Башҡортостандың Эшҡыуарлыҡ һәм туризм министрлығынан хәбәр итеүҙәренсә, республиканың Бәләкәй һәм урта эшҡыуарлыҡты үҫтереү агентлығы министрлыҡ ярҙамы менән үҙмәшғүлдәрҙе, шулай үҙҙәренең эшен асырға теләгәндәрҙе түләүһеҙ ойошторолған “Идара итеүҙең ете баҫҡысы” уҡытыу программаһында ҡатнашырға саҡыра. Курс 12 июлдән 25 авгусҡа тиклем дауам итә. Сара Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проектына (национальный проект “Малое и среднее предпринимательство и поддержка индивидуальной предпринимательской инициативы”) ярашлы тормошҡа ашырыла.

– “Идара итеүҙең ете баҫҡысы” программаһы эксперттары бизнесты ойоштороу тәжрибәһе менән уртаҡлаша, кәңәш бирә. Белем биреү сараларының маҡсаты – теләгәндәргә эшҡыуарлыҡта тәүге аҙым яһауҙа ярҙам итеү, – тине Башҡортостандың эшҡыуарлыҡ һәм туризм министры Рөстәм Афзалов.

Уҡытыу барышында тыңлаусыларға эшҡыуарлыҡ нигеҙҙәре тураһында ла һөйләйҙәр. Проектта ҡатнашыусылар клиенттарҙы йәлеп итергә өйрәнәсәк. Бынан тыш, спикерҙар маркетинг, тайм-менеджмент, һөҙөмтәле коммуникациялар өлкәһендә һәм башҡа йүнәлештәр буйынса файҙалы мәғлүмәт бирәсәк.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: biznestur.bashkortostan.ru/presscenter/news/466782/

Сығанаҡ: https://srk.nationalpriority.ru/press_releases/282965