"Ашығыс экспорт ярҙамы" - Нуриман предприятиеларында

Башҡортостан Хөкүмәтенән хәбәр итеүҙәренсә, 4 августа "Халыҡ-ара кооперация һәм экспорт" милли проектын ғәмәлгә ашырыу сиктәрендә "Ашығыс экспорт ярҙамы" Нуриман районы предприятиеларына оҙатылды. "Ашығыс экспорт ярҙамы" эксперт бригадаһы "Экосалат" яуаплылығы сикләнгән йәмғиәтендә, "Багау исемендәге агрофирма" яуаплылығы сикләнгән йәмғиәтендә һәм "Люкс" яуаплылығы сикләнгән йәмғиәтендә булды.

Сарала Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева, Башҡортостандың Экспортҡа булышлыҡ итеү үҙәге директоры Илдус Хәлитов ҡатнашты.

- Бөгөн беҙ Нуриман районының микропредприятиеларында булдыҡ, уларҙың эше, пландары менән таныштыҡ, эшҡыуарҙарҙы ҡыҙыҡһындырған һорауҙарға яуап бирҙек. Компанияларҙың экспорт ҡеүәте бар, беҙҙә экспортҡа ярҙам сараларының тейешле йыйылмаһы бар. Тәү сиратта беҙҙең эшлекле даирәләр өсөн продукция һатыу баҙарҙарын һайлау буйынса мөмкинлектәрҙе тикшерәсәкбеҙ, - тип комментарий бирҙе Маргарита Болычева.

"Экосалат" яуаплылығы сикләнгән йәмғиәте "Ашығыс экспорт ярҙамы" бригадаһының беренсе компанияһы булды. Предприятие айсберг салаттары, ромен, пекин кәбеҫтәһе үҫтереү менән шөғөлләнә. Ойошма етәкселеге көн һайын ике фура иҫәбендә үҙ продукцияһын экспортҡа сығарыу мөмкинлектәрен билдәләне. Яҡтар Ҡаҙағстан баҙарына сығыу мөмкинлектәрен тикшерҙе.

Етен үҫтереү һәм май етештереү менән шөғөлләнеүсе "Баһау исемендәге агрофирма" яуаплылығы сикләнгән йәмғиәтенең киләһе ойошмаһы иген йыйыу, таҙартыу һәм эшкәртеү, шулай уҡ 300 тонна күләмендә продукция һатыу буйынса етештереүҙе киңәйтеү пландарын билдәләне. Предприятие менән ҡытай һәм Иран баҙарына сығыу мөмкинлектәре тикшерелде. Агрофирма Экспортҡа булышлыҡ итеү үҙәге программалары һәм Экспорт контракттарын оҙатыу буйынса үҙәк хеҙмәттәре менән ҡыҙыҡһынды.

"Ашығыс экспорт ярҙамы" миссияһы аҙағында Люкс яуаплылығы сикләнгән йәмғиәтендә (ГлавПивТорг) булды. Ойошма 12 сорт тирәһе һыра, һигеҙ сорт лимонад һәм ике төр кеүәҫ етештерә. Етештереү процесы продукцияның иң киң ассортиментына көйләнгән. Шуға ҡарамаҫтан, предприятие планында яңы технологик производство процесына күсеү һәм етештереү ҡеүәттәрен арттырыу тора.

“Ашығыс экспорт ярҙамы” бригадаһы менән франшиза форматында һатыу концепцияһын үҫтереү перспективалары, шулай уҡ экспортерҙар өсөн ғәмәлдәге субсидиялар, атап әйткәндә, тауарҙар ташыуға һәм экспорт кэшбекына, тикшерелде. Производствоның яңы технологик процесына күсеү планлаштырыла.

Мәғлүм булыуынса, республикала экспортҡа булышлыҡ итеү һәм уны үҫтереү программалары Рәсәй Президенты Владимир Путиндың май указы менән раҫланған “Халыҡ-ара кооперация һәм экспорт” милли проектына (национальный проект “Международная кооперация и экспорт”) ярашлы тормошҡа ашырыла.

Фото: Башҡортостан Хөкүмәте сайтынан.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан