Хеҙмәткә һәм оборонаға әҙер!

Бөгөн Ауырғазы районы үҙәге Талбазы ауылында “Демография” милли проекты һәм “Спорт – тормош нормаһы” төбәк проекты сиктәрендә “Хеҙмәткә һәм оборонаға әҙер!” Бөтә Рәсәй физкультура-спорт комплексы майҙансығы асылды.

Сарала Башҡортостан Хөкүмәте Премьер-министры урынбаҫары Ирек Сәғитов һәм район хакимиәте башлығы Арыҫлан Шәһәретдинов ҡатнашты.

“Район халҡы спорт менән шөғөлләнһен өсөн бында ныҡлы база булдырылған, егерменән ашыу спорт ҡорамалы урынлаштырылған. Урыны ла яҡшы – тәбиғәт янында. Бөгөн хатта ҡайһы бер ҡорамалдарҙа үҙем шөғөлләнеп ҡараным”, - тип белдерҙе Ирек Сәғитов.

Әйткәндәй, йыл аҙағына тиклем республикала ошондай уҡ алты спорт майҙансығы асыу планлаштырыла. Ә Өфө һәм Стәрлетамаҡта “аҡыллы” спорт майҙансыҡтары ла барлыҡҡа киләсәк.

Фото: Башҡортостан Хөкүмәте.