Дәүләкәндәр хеҙмәткә һәм оборонаға әҙер

“Демография” милли проектының “Спорт – йәшәү нормаһы” федераль проекты сиктәрендә Республика көнө алдынан Өфө ҡалаһының “Динамо” спорт комплексында закон сығарыу, башҡарма власть хеҙмәткәрҙәре һәм муниципаль хеҙмәткәрҙәр араһында “Хеҙмәткә һәм оборонаға әҙер” бөтә Рәсәй физкультура-спорт комплексы фестивале үтте. Регламент буйынса ярыштарҙа ике категория – республиканың закондар сығарыу һәм башҡарма власть органдары һәм муниципаль берәмек хакимиәттәренән муниципаль хеҙмәткәрҙәр ҡатнашты.

Район һәм ҡала хакимиәттәре араһында 48 муниципаль берәмек ҡатнашты.

Дәүләкән районынан ГТО Бөтә Рәсәй физкультура-спорт комплексы етәксеһе Ләйсән Заһиҙуллина етәкселегендә район хакимиәте хеҙмәткәрҙәре сығыш яһаны. Конкурста ҡатнашыусылар яҡшы физик әҙерлек күрһәтте һәм йәш категорияһына ярашлы еңел генә ГТО нормативтарын үтәне.

“Хеҙмәткә һәм оборонаға әҙер” бөтә Рәсәй физкультура-спорт комплексы – күмәк спортты үҫтереүгә һәм милләтте сәләмәтләндереүгә йүнәлтелгән ил халҡын физик тәрбиәләүҙең тулы программаһы һәм норматив нигеҙе.

Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды.

 #ВладимирПутин #национальныепроекты#нацпроекты
#региональныепроекты#регпроекты#нацпроектыБашкортостан

Сығанаҡ: https://contenta.info/press_releases/329686

Фото: Дәүләкән районы хакимиәте.