Үҙебеҙҙә лә шәп йыһаз етештерелә

Башҡортостан Республикаһы Хөкүмәте Премьер-министры урынбаҫары – Башҡортостан Республикаһының сәнәғәт, энергетика һәм инновациялар министры Александр Шельдяев "Йыһаз-2022" Халыҡ-ара тармаҡ күргәҙмәһе буйынса фекере менән уртаҡлашты.

– Мәскәүҙәге мөһим осрашыуҙар араһында "Йыһаз-2022" Халыҡ-ара тармаҡ күргәҙмәһе менән танышыуға ваҡыт таптым. Сара статуслы – 15 илдән 650 компания ҡатнаша. Башҡортостандың ҡайһы бер фабрикалары бында беренсе тапҡыр килгән, ярҙам итергә кәрәк!

Туймазынан “Корона” йыһаз фабрикаһы, билдәле карауаттарынан һәм матрастарынан тыш, дивандарҙың һәм йомшаҡ йыһаздарҙың яңы өлгөләрен ҡуйған. Улар әлегә һатыуҙа юҡ, компания киләһе йылдан яңы етештереүҙе яйға һалырға йыйына. Ике көн эсендә “Корона” 100-ҙән ашыу һөйләшеүҙәр алып барған, әлеге ваҡытта фабриканың шунса һанда үҙаҡташтары бар.

Иҫегеҙгә төшөрәм, “Корона” мебель фабрикаһы — мебель кластерының якорь резиденты, быйыл апрелдә Башҡортостанда эш башланы. Компания 2022 йылда республиканан 10 миллион һум күләмендә субсидияһын алды. Шул уҡ йылда Төбәк сәнәғәт үҫеше фонды етештереүҙе яңыртыуға биш миллион һум күләмендә федераль грант алыуҙа ярҙам иткән.

Күргәҙмәлә беҙҙең мебель кластерының тағы бер ҡатнашыусыһы үҙ мөмкинлектәрен күрһәтте. МСК йәки Мебель сервисы комплексы “Партнер+” компания базаһында булдырылған. Мебель өсөн әйберҙәр етештерә. Предприятие мебель пружиналарын етештереүҙе арттырыу буйынса өҫтөнлөклө инвестиция проектын тормошҡа ашыра, инвестиция күләме 130 миллион һум тәшкил итә. Күргәҙмәнең ике көнөндә 30-ға яҡын һөҙөмтәле һөйләшеүҙәр алып барылды.

Бөтә ҡатнашыусыларға ла яңы килешеүҙәр һәм уҙаҡташтар теләйем! Барыһының да өйҙә көтәбеҙ, – ти Александр Шельдяев.

Ошондай күргәҙмәләрҙә ҡатнашыу Рәсәй Президенты Владимир Путиндың май указдарына ярашлы ҡабул ителгән “Халыҡ-ара кооперация һәм экспорт” милли проектын (национальный проект “Международная кооперация и экспорт”) ғәмәлгә ашырыуға булышлыҡ итә.

Фото: vk.com/sheldyaevrb.

#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан