Кинозалды 16 декабрҙә асырға ниәтләйҙәр

Мәсетле районы хакимиәтенән хәбәр итеүҙәренсә, тиҙҙән районда заманса кинозал ишектәрен аса. Мәғлүм булыуынса, “Октябрь” тип аталған тәүге кинотеатр райондағы барлыҡ колхоздар һәм партия ойошмалары ҡатнашлығында 1936-1939 йылдарҙа һалынған. 1965 йылдың 1 июнендә ул киң экранлы кино ҡулайламаһы  менән тәьмин ителә.

Кинотеатрҙа һуңғы сеанстар 2006 йылда була. Шул мәлдән алып халыҡ йыйылыштарында кинотеатрҙы тергеҙеү үтенесе даими яңғырай. Һәм бына, ниһайәт, Рәсәй Президенты Владимир Путиндың май указы менән раҫланған “Мәҙәниәт” милли проекты (национальный проект “Культура”) ярҙамында мәҙәниәт объектында эш башлана.

Элек “Октябрь” кинотеатры, әле иһә Йәштәр үҙәге урынлашҡан залды монтажлап, ҡайтанан йыһазландыра башланылар. Бөгөн бында киң экран эленгән, лазер ярҙамында проекция яһай торған ҡорамал, заманса тауыш системаһы ҡуйылған. Залда айырым касса асыла. Унда оҡшаған фильмға билет һатып алырға, компьютер экранынан рәтте, урынды һайларға мөмкин буласаҡ.

Яңыртылған кинозалды 16 декабрҙә асыу күҙаллана.

#национальныепроекты#нацпроекты
#региональныепроекты#регпроекты#нацпроектыБашкортостан

Фото: mechetly.bashkortostan.ru

Сығанаҡ: https://contenta.info/press_releases/359070#scroll