Йәштәр лабораторияларын булдырыу дауам итәсәк

Рәсәй Президенты Владимир Путин Йәш ғалимдар конгресында, һәр дәүләттең уңышы күбеһенсә фәнни эшмәкәрлек һөҙөмтәләренә, уларҙы тормоштоң төрлө өлкәләрендә дөрөҫ ҡулланыуға бәйле, тип билдәләне. 

Ошо бурысҡа бәйле ил Хөкүмәте рәйесе Дмитрий Чернышенко аңлатма бирҙе. "Хәҙерге заман йәштәр лабораториялары ярҙамында (ә улар илдә 200-ҙән ашыу) Рәсәй Хөкүмәте тикшеренеүселәре микроэлектроника, ауыл хужалығы, яңы энергетика, медицина, шулай уҡ климатты тикшереү йүнәлештәре буйынса һөҙөмтәле эш алып барыу өсөн шарттар булдыра. Һәр ғилми коллективтың сәнәғәт партнерҙары — иҡтисадтың реаль секторы предприятиелары бар. Был юғары уҡыу йорттарының һәм ғилми-тикшеренеү институттарының ғаризаларын ҡарағанда һайлап алыуҙың хәл иткес критерийы булып тора. Ошондай хеҙмәттәшлек, заказ биреүсегә аныҡ үтенес Рәсәй һәм донъя баҙарына фәнни-ғәмәли йәһәттән үҫеш, инновациялы технологияларҙы арттырыу мөмкинлеген бирә. Йәштәр лабораторияларын булдырыу дауам итәсәк", — тине Хөкүмәт рәйесе.

Бындай эш Рәсәй Президенты Владимир Путиндың май указдарына ярашлы булдырылған "Мәғариф" милли проекты (национальный проект "Образование") бурыстарын тормошҡа ашырыуға үҙ өлөшөн индерә.

Фото: government.ru

#ВладимирПутин #национальныепроекты#нацпроекты

#региональныепроекты#регпроекты#нацпроектыБашкортостан