Элек был ерҙә ташландыҡ биләмә ине...

Башҡортостандың Торлаҡ-коммуналь хужалыҡ министрлығынан хәбәр итеүҙәренсә, Ғафури районының Сәйетбаба ауылындағы Еңеү паркында быйыл ял зонаһы төҙөкләндерелде. Хәҙер балаларға рәхәтләнеп уйнарға, спорт яратҡандарға күнекмәләр яһарға урын бар.

Элек был ерҙә ташландыҡ биләмә ине, әле иһә заманса ял паркы барлыҡҡа килде. Күләмле төҙөкләндереү эше 2020 йылда башланды. Тәүге этапта майҙансыҡ нигеҙен әҙерләнеләр, участканы тигеҙләнеләр, икенсеһендә хоккей майҙансығы яһанылар, унда асфальт түшәп, ҡоймалап ҡуйҙылар. Иң һуңынан балалар өсөн уйын комплексы, резина япмалы спорт майҙансыҡтары, тротуарҙар, яҡтыртҡыстар, сәхнә, эскәмйәләр барлыҡҡа килде.

Мәғлүм булыуынса, проект Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектының (национальный проект “Жилье и городская среда”) “Уңайлы ҡала мөхите булдырыу” федераль программаһына ярашлы тормошҡа ашырылды. Программаның маҡсаты – ҡала биләмәһен комплекслы үҫтереү, күмәк ял өсөн уңайлы урындар булдырыу. Әйткәндәй, быйыл, уға ярашлы, Башҡортостанда бөтәһе 122 йәмәғәт киңлеге тәртипкә килтерелде.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: house.bashkortostan.ru

Сығанаҡ: https://contenta.info/press_releases/368723#scroll