Был юлы ике проект тәҡдим ителде

Рәсәй Президенты Владимир Путиндың май указына ярашлы, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проектының “Эшҡыуарлыҡ алып барыу шарттарын яҡшыртыу”, "Бәләкәй һәм урта эшҡыуарлыҡ субъекттарын йылдам үҫтереү” төбәк проекты буйынса урындарҙа үҙ эшен асҡан йүнселдәргә ҙур иғтибар бүленә. 

"Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проекты сиктәрендә Хәйбулла районы хакимиәте башлығы Рөстәм Шәрипов "Эшҡыуарлыҡ сәғәте" форматында сираттағы кәңәшмәһен үткәрҙе. 

Районда сираттағы "Эшҡыуарлыҡ сәғәте"ндә ике проект ҡаралды. «Өфө» яуаплылығы сикләнгән йәмғиәтен ойоштороусы Марат Булатов ауыл хужалығы техникаһын һатып алыуға бәйле сығымдарҙы ҡаплау өсөн финанс бүлеү үтенесе менән мөрәжәғәт итте. Бөгөн уның хужалығында 140 баш самаһы һыйыр малы иҫәпләнә, сәсеү майҙандары 900 гектар самаһы тәшкил итә.

Ғәзинур Айытбаев уйын клубын асыу башланғысы менән сығыш яһаны. Студент клубты үҫтереү буйынса үҙ пландары хаҡында һөйләне, ул йәштәр һәм ололар өсөн дә ҡыҙыҡлы булырға тейеш, тип белдерҙе. Осрашыу барышында яңы эш башлаған һәм эшләгән эшҡыуарҙар өсөн дәүләт ярҙамы саралары тикшерелде.

Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү"(национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Билдәле булыуынса, был милли проект биш федераль проекттан тора: “Эшҡыуарлыҡты алып барыу шарттарын яҡшыртыу”, “Бәләкәй һәм урта эшҡыуарлыҡ субъекттарын финанс ресурстарға, шул иҫәптән ташламалы финанслауға йәлеп итеү юлдарын киңәйтеү”, “Бәләкәй һәм урта эшҡыуарлыҡ субъекттарын йылдам үҫтереү”, “Фермерҙарға ярҙам итеү системаһын булдырыу һәм ауыл кооперацияһын үҫтереү”, “Эшҡыуарлыҡты популярлаштырыу”.

Фото: Хәйбулла районы хакимиәте сайтынан.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан