Музыка мәктәптәре уйын ҡоралдарына байыны

Башҡортостан Мәҙәниәт министрлығынан хәбәр итеүҙәренсә, Өфөләге балалар музыка мәктәптәрендә Рәсәй Президенты Владимир Путиндың май указы менән раҫланған “Мәҙәниәт” милли проектының (национальный проект “Культура”) “Мәҙәни мөхит” төбәк проектына ярашлы матди-техник базаны яңыртыу дауам итә. Быйыл Башҡортостандың баш ҡалаһында мәҙәниәт өлкәһен финанслауға федераль, республика һәм ҡала бюджеттарынан 3,1 миллион һум аҡса бүленгән. Ошо аҡсаға 7-се балалар музыка мәктәбе аккордеон, баян, думбыра, кларнет, флейта, валторна, саксофон, торба, шулай уҡ яңы ҡорамалдар, интерактив таҡта һәм уҡыу әсбаптары һатып алды.

– Быйыл беҙҙең мәктәп 60 йыллығын билдәләй. Яңы музыка ҡоралдары  юбилейға бик яҡшы бүләк булды. Улар уҡытыусыларыбыҙға һөҙөмтәле эшләргә, балаларға иһә музыка серҙәренә тулыраҡ төшөнөргә мөмкинлек бирә, – тине Өфөнөң 7-се музыка мәктәбе директоры Рәит Ғайсин.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: contenta.info/press_releases/368466#scroll

Сығанаҡ: https://contenta.info/press_releases/368466#scroll