Ике улдары янына ике ҡыҙҙары өҫтәлде!

Республикабыҙҙың Сибай ҡалаһы ЗАГС-ында Эмилия һәм Амелия исемле игеҙәк балалар теркәлгән.

Кисә, 22 декабрҙә Сибай ҡалаһының ЗАГС бүлегендә быйылғы йылдың 7-се пар игеҙәктәре тыуыуы тураһында акт теркәлгән. Рәсим һәм Эльмира Ғәлләмовтар ғаиләһенә йәм, бәрәкәт өҫтәп 2 декабрҙә Өфө дауаханаһында ҡыҙҙары Эмилия һәм Амелия яҡты донъяға ауаз һалған. Ҡыҙсыҡтар ете йәшлек Тимур һәм ике йәшлек Рамин ағайҙарына иш булып, хәстәрлек тойоп, бәхетле булып үҫер.
- Беренсе узи тикшереүендә игеҙәктәр тыуасағын әйтһәләр, икенсеһендә ҡыҙҙар буласағын белеп ҡыуандыҡ. Бәхетебеҙ сикһеҙ: ике улыбыҙ, ике ҡыҙыбыҙ бар, Һау - сәләмәт булһындар, - ти бәхетле атай менән әсәй.

Ғәлләмовтар сабыйҙарға тыуыу тураһында танытмаға ҡушып Башҡортостан Республикаһының Дәүләт Йыйылышы-Ҡоролтай депутаты Денис Назаровтың иҫтәлекле бүләген ҡушып биреүҙәре өсөн рәхмәт белдерҙе.

Ишле ғаиләләрҙе хәстәрләү буйынса эш “Демография” (национальный проект "Демография") милли проектын тормошҡа ашырыу сиктәрендә атҡарыла.

Фото: Сибай ҡалаһы ЗАГС-ы 

#ВладимирПутин #национальныепроекты#нацпроекты
#региональныепроекты#регпроекты#нацпроектыБашкортостан