Инйәрҙә кино күрһәтәләр

Дәүләт етәксеһе В.В. Путиндың май указына ярашлы барлыҡҡа килгән "Мәҙәниәт" милли проектын (национальный проект "Культура") тормошҡа ашырыуға ярашлы, республикабыҙҙа тағы бер кинозал асылған.

Бында үҙебеҙҙең илдә төшөрөлгән һәм сит ил фильмдарын, балалар өсөн күңелле төҫлө йәнһүрәттәрҙе ҡарарға мөмкин буласаҡ. Зал заманса ҡорамалдар менән йыһазландырылған.

Был хаҡта Белорет районы хакимиәте башлығы Андрей Иванюта үҙенең социаль селтәрҙәрҙәге сәхифәһендә хәбәр итә.

- «Мәҙәниәт» милли проектының төп йүнәлеше – ил халҡының мәҙәни ҡиммәттәр менән танышыуҙа, уларҙы ойоштороуҙа ҡатнашыу мөмкинлектәрен арттырыу. Башҡортостанда был милли проект уңышлы тормошҡа ашырылып килә. Беҙҙә асылған зал 248 тамашасыны һыйҙыра. Яңы ултырғыстар ҡуйылған, һанлы кинопроектор, 3D экран һәм башҡа заманса ҡоролмалар менән йыһазландырылған. Йәмғеһе 9 миллион һумлыҡ ҡоролмалар һатып алынған. Көнөнә 3-4 сеанс күрһәтеү планлаштырыла, – тип яҙа Андрей Иванюта.

#национальныепроекты#нацпроекты
#региональныепроекты#регпроекты#нацпроектыБашкортостан 

Фото Андрей Иванютаның социаль селтәрҙәрҙәге сәхифәһенән алынды.