Экологияны хәстәрләп

“Экология” милли проектының (национальный проект “Экология”) “Урмандарҙы һаҡлау” төбәк проекты буйынса республикала белгестәр орлоҡ әҙерләүҙе дауам итеүе тураһында белдерҙеләр Урман хужалығы министрлығында.

“Тубырсыҡтарҙы эшкәртеүҙең тулы циклына сорттарға бүлеү, орлоғон алыу, ҡатышманан таҙартыу, тейешле дымлылыҡта киптереү кеүек саралар инә. Ябай ҡарағай орлоғо тубырсыҡтан барабан тибындағы тубырсыҡ киптергестә алына. Барабан әйләнгән ыңғайға улар даими бутала һәм юғары температура аҫтында дым парға әйләнә, тубырсыҡтар асыла”, - тине урман хужалығы вәкиле Марат Әйүпов.

Министрлыҡ мәғлүмәттәре буйынса, былтыр 3,5 тоннанан ашыу  орлоҡ әҙерләүгә  өлгәшкәндәр. Уларҙың яртыһынан күбеһе ябай ҡарағай орлоғо, тағы ла 615 килограмы – шыршы орлоғо, 550 килограмы – имәндеке, 68,5 килограмы ҡарағастыҡы.

“Экология” милли проекты ҡалдыҡтар менән эш итеүҙең һөҙөмтәлелеген күтәреүгә, ҙур сәнәғәт үҙәктәрендә атмосфера һауаһын бысраныу кимәлен кәметеүгә, Рәсәйҙең уникаль флора һәм фаунаһын һаҡлауға йүнәлтелгән. Рәсәй Федерацияһы Президенты Владимир Путин башланғысы менән булдырылған милли проекттар 2019 йылда старт алды.  

фото: bash.news

#ВладимирПутин #национальныепроекты#нацпроекты

#региональныепроекты#регпроекты#нацпроектыБашкортостан