Ағиҙел буйында сауҙа йорттары асыла

Салауат ҡалаһы хакимиәтенән хәбәр итеүҙәренсә, Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проектына (национальный проект “Малoе и среднее предпринимательствo и пoддержка индивидуальнoй предпринимательскoй инициативы”) ярашлы, бизнес-шәриф Урал Мәғизов “Капитал төркөмө” яуаплылығы сикләнгән йәмғиәте етәксеһе Рөстәм Юлтимеров менән осрашты. Улар Салауат ҡалаһында Ағиҙел буйында сауҙа нөктәләре асыу тураһында һөйләште.

Ағас йорттар урамда сауҙа майҙансығы булараҡ уңышлы файҙаланыла, улар һатып алыусыларҙы үҙҙәренең күркәмлеге менән йәлеп итә, шатлыҡлы байрам кәйефе тыуҙыра. Тиҙ һәм еңел ҡоролғанға күрә, бындай сауҙа йорттары йыл әйләнәһенә эшләй. Бынан тыш, улар стилистик яҡтан ҡалалағы ҡаралтыларҙың дөйөм концепцияһынан айырылмай, яр буйында ағас конструкциялар күптән бар.

Осрашыу барышында яҡтар “Капитал төркөмө” яуаплылығы сикләнгән йәмғиәте компанияһының сауҙа йорттарын урынлаштырыу алымдары буйынса фекер алышты. Улар өсөн урын бүлеү һәм коммуникацияларға тоташтырыу тураһында ҡарар ҡабул ителде.

#ВладимирПутин

#национальныепроекты#нацпроекты
#региональныепроекты#регпроекты#нацпроектыБашкортостан

Фото: contenta.info

Сығанаҡ: https://contenta.info/press_releases/412812#scroll