Оноторға хаҡыбыҙ юҡ

6 майҙа Борай районы халҡы ауыл биләмәләре хакимиәттәре менән берлектә "Экология" милли проекты сиктәрендә һәм өмәләр үткәреү буйынса саралар планына ярашлы, кәртәләрҙе, ҡоймаларҙы ремонтлаған, район зыяраттарының инеү юлдарын буяған. Шулай уҡ ағастарҙы киҫкәндәр һәм ҡәберлек биләмәләренән сүп-сарҙы сығарғандар, Бөйөк Ватан һуғышында ҡатнашыусыларҙың ҡәберҙәрен тәртипкә килтергәндәр. Бынан тыш, тарихи ҡәберлек ҡоролмаларын һаҡлауға айырыуса ҙур иғтибар бүленгән, сөнки улар ошо райондың мәҙәни һәм тарихи мираҫының мөһим элементы булып тора.

Саралар үҙҙәренең биләмәләрендә бөтә йәштәге һәм социаль төркөмгә ҡараған кешеләрҙе йыйҙы, улар үҙҙәренең яҡындары хаҡында хәстәрлек күреүҙәрен дауам итергә теләк белдерҙе.

Бындай акциялар ата-бабаларыбыҙҙың иҫтәлеген һәм хөрмәтен һаҡлап ҡалырға ғына түгел, шулай уҡ йәмғиәттең рухын һәм уртаҡ эштең мөһимлеген нығыта, тип билдәләне сарала ҡатнашыусылар. Улар, ҙур яуаплылыҡ менән мәҙәниәт һәм тарих ҡомартҡылары урынлашҡан ерләү урындарын тәрбиәләүҙе дауам итәсәктәр, тип билдәләне.

Хәтер һәм хөрмәт көнө урындағы халыҡта ҙур тәьҫораттар ҡалдырҙы, яҡындарыбыҙҙы иҫкә алыу сараларын күреү кәрәклеген һыҙыҡ өҫтөнә алды.

Билдәле булыуынса, “Экология” (национальный проект “Экология”) милли проекты Рәсәй Президенты Владимир Путиндың май указы менән булдырылды.

Фото: Борай районы хакимиәте.