“Минең бизнес” үҙәгенең күсмә офисы осрашыу үткәрҙе

Сара "Башҡортостан Республикаһы Бәләкәй һәм урта эшҡыуарлыҡты үҫтереү буйынса агентлығы” ойошмаһы тарафынан “Бәләкәй һәм урта эшҡыуарлыҡ һәм шәхси эшҡыуарлыҡ башланғысына ярҙам” милли проекты сиктәрендә тормошҡа ашырылды (национальный проект “Малое и среднее предпринимательство и поддержка индивидуальной предпринимательской инициативы”). Ул ил Президентының май указына ярашлы тормошҡа ашырыла. 

Сарала 20-нән ашыу бәләкәй һәм урта эшҡыуарлыҡ субъекты, үҙмәшғүл, бизнесты үҫтереү институттары, кредит ойошмалары һәм Иглин районы хакимиәте вәкилдәре ҡатнашты. Осрашыу барышында эшҡыуарҙарҙы ҡыҙыҡһындырған һорауҙарға яуаптар бирелде һәм консультациялар үткәрелде.

         – “Минең бизнес” үҙәгенең муниципалитеттарға сығыуы – ул халыҡҡа бизнес асыу, үҫтереү һәм башҡа төр мөмкинлектәре тураһында мәғлүмәт биреү практикаһы. Бынан тыш, ул үҙ-ара эш итеүҙә килеп сыҡҡан проблемаларҙы урында уҡ тикшерергә һәм хәл итергә мөмкинлек бирә. Күсмә саралар киләһе йылда ла үткәреләсәк – тип билдәләне Башҡортостан Республикаһының эшҡыуарлыҡ һәм туризм буйынса министры Рөстәм Афзалов.

– Был күсмә мобиль офис – ул “Минең бизнес” үҙәгенең стационар офистары булмаған райондар һәм ҡалалар өсөн уңайлы проект. Мобиль офис беҙгә урындарҙа бизнесҡа булған ихтыяжды асыҡларға, ә эшҡыуарҙарға ярҙам саралары тураһында белергә һәм бизнес алып барыуҙың бөтә этаптары буйынса шәхси консультациялар алырға мөмкинлек бирә. Йыл башынан алып үҙәктең күсмә офисы 7 ҡалала һәм 4 тораҡ пунктта булды, үҙенә 200-ашыу ҡыҙыҡһыныусыны йыйҙы, – тине Башҡортостандың эшҡыуарлыҡ буйынса агентлығы директоры Вадим Үтәшев.

Иҫегеҙгә төшөрәбеҙ, төбәк эшҡыуарҙары өсөн буласаҡ саралар тураһында анонстар даими рәүештә “Минең бизнес” үҙәгенең сайтында “Саралар” бүлегендә баҫылып сыға: https://cmbrb.ru/meropriyatiya/. Консультацияларҙы “Ҡыҙыу линия” телефоны буйынса алырға мөмкин: +7(347) 224-99-99.

Белешмә өсөн:

Бөгөнгө көндә “Минең бизнес” үҙәгенең офистары Башҡортостандың 12 муниципалитетында эшләй:

Өфө ҡалаһы, Тыныслыҡ урамы, 14-се йорт;

Стәрлетамаҡ ҡалаһы, Ленин проспекты, 14-се йорт;

Күмертау ҡалаһы, Горький урамы, 11-се йорт;

Октябрьский ҡалаһы, Баҡса ҡулсаһы урамы, 71-се йорт;

Нефтекама ҡалаһы, Комсомол проспекты, 19-сы йорт;

Салауат ҡалаһы, Өфө урамы, 37А йорт;

Бәләбәй ҡалаһы, Ленин урамы, 28-се йорт;

Учалы ҡалаһы, Башҡортостан урамы, 6-сы йорт;

Белорет ҡалаһы, Пушкин урамы, 40-сы йорт;

Ҡариҙел ауылы, Киров урамы, 61-се йорт;

Саҡмағош ауылы, Ленин урамы, 68-се йорт;

Үрге Ҡыйғы ауылы, Совет урамы, 14-се йорт.

Фото: Башҡортостан Республикаһы Хөкүмәтенең матбуғат хеҙмәтенән.