Бөйөк композиторҙы иҫкә алдылар

Салауат ҡалаһының 7-се балалар модель китапханаһы филиалында “Виртуаль концерт залы” проекты сиктәрендә һәм “Мәҙәниәт” милли проекты маҡсаттарына ярашлы композитор Александр Бородинға арналған фильм күрһәтелде.

Сарала Салауат музыка колледжының 1-се һәм 2-се курс студенттары булды. Улар ҙур ҡыҙыҡһыныу менән бөйөк музыкант тураһында фильм ҡараны.

12 ноябрҙә уның тыуыуына 185 йыл тулды. Юҡҡа ғына Александр Бородинды рус генийы тип атамайҙар, сөнки ул – милли характерҙың иң яҡшыһы өлгөһө, ә уның тормошо ижады һәм профессиональ ғилми эшмәкәрлеге кеүек үк матур һәм драматик.

– Бындай кешеләр йөҙ йылға бер тапҡыр тыуа, сөнки уның ҡыҙыҡһыныуҙары, белемдәре һәм оҫталыҡтары шул тиклем ҙур, хатта улар ябай кеше түгел, ә ысын даһи бит, - тигән һығымтаға килде йәш музыканттар.

“Бородиндың төрлө таланттарын бер-береһенән айырып ҡарау мөмкин түгел тиерлек. Бородин-композитор, Бородин-химик, мәғрифәтсе, шағир – бер шәхестең сиктәре генә түгел, ә бер-береһен тулыландырып һәм ярҙам итеп торған мозаика деталдәре кеүек. Әгәр был исемлектән бер генә һыҙатты алһаҡ, ҡалғандары сағыу, бөйөк, булмаҫ ине, – тип билдәләне Салауат музыка колледжы китапханаһы мөдире Наталья Кантюкова.

Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды.

Фото: Салауат ҡалаһы хакимиәте.