Ағиҙелдәр белемен тикшерә

“Мәғариф” милли проекты сиктәрендә, Башҡортостан Республикаһының башҡа муниципалитеттарындағы кеүек үк, Ағиҙел ҡалаһында ла Ю.А. Гагарин исемендәге кубокка мәктәп уҡыусылары олимпиадаһының муниципаль этабы старт алды.

Олимпиаданың төп маҡсаты – 1-8-се класс уҡыусыларын өлкән кластарҙа аңлы теләк буйынса илдең техник йәки хәрби вуздарына инеүгә әҙерләнергә дәртләндереү. Был артабан Рәсәй Федерацияһының Оборона-сәнәғәт комплексы предприятиелары һәм Ҡораллы Көстәр өсөн кадрҙар резервын артабан формалаштырыуға булышлыҡ итәсәк.

2023-2024 уҡыу йылында олимпиада 16 предмет буйынса үткәрелә: физик культура (1-8-се кластар), беренсе кластар өсөн полиолимпиада, тирә-яҡ донъя (2-4-се кластар), биология (5-8-се кластар), рус теле (2-8-се кластар), әҙәбиәт (2-8-се кластар), математика (2-8-се кластар), информатика (2-8-се кластар), физика (7-8-се кластар), география (5-8-се кластар), башҡорт теле (5-8-се кластар), инглиз теле (5-8-се кластар), тарих (5-8-се кластар), музыка (4-8-се кластар), йәмғиәт (6-8-се кластар) һәм астрономия (5-8-се кластар).

Муниципаль этапта Ағиҙел ҡалаһының бөтәһе 143 тәрбиәләнеүсе һәм белем биреү учреждениелары уҡыусылары ҡатнашты.  Жюри эштәрҙе башҡарыуҙы баһаланы. Барлыҡ һөҙөмтәләр кураторҙың шәхси кабинетында протоколға индерелгән. Еңеүсене билдәләү протоколдарҙы тулыһынса тултырғандан һуң автоматик рәүештә башҡарыла.

Муниципаль этап еңеүселәре Өфө ҡалаһында үтәсәк төбәк этабында ҡатнашасаҡ.

Билдәле булыуынса, “Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды.

Фото: Ағиҙел ҡалаһы хакимиәте.