Ҡорамалдың файҙаһы ҙур

Дыуан районының Мәсәғүт дауаханаһына уҙған йылдың аҙағында заманса ангиограф килде. Был “Һаулыҡ һаҡлау” милли проектының “Йөрәк-ҡан тамырҙары сирҙәренә ҡаршы көрәш” программаһы ярҙамында мөмкин булды. Заманса ангиограф ярҙамында 135 дауалау процедураһы һәм 403 диагностик тикшереү үткәрелгән.

Ангиограф эшенең принцибы түбәндәгенән ғибәрәт: артыҡ ҡеүәте булмаған рентген нурланышы ярҙамында аппарат махсус рентген-контраст матдә индереләсәк артерияларҙың төҙөлөшөн һүрәтләргә ярҙам итә. Техника йөрәк-ҡан тамырҙары патологияһын ваҡытында асыҡлауҙан тыш, миокардтың киҫкен инфаркты һәм инсульттар ваҡытында операция яһатырға, был пациенттарға артабан йәшәү сифатын һәм эшкә һәләтлелеген яҡшыртырға мөмкинлек бирә.

– Ангиограф системаһы йөрәк-ҡан тамырҙары диагностикаһы һәм инвазив процедураларҙы үтәү өсөн универсаль ҡарарҙарҙың береһе булып тора. Юғары рөхсәт менән визуализацияны бойомға ашырырға мөмкинлек бирә һәм ҡатнаш, шулай уҡ тар идара ителгән процедуралар үткәреү өсөн файҙаланырға мөмкин, – тип һөйләй Мәсәғүт дауаханаһының баш табибы Валерий Трофимов.

2024 йылда Башҡортостанда “Һаулыҡ һаҡлау” милли проектын тормошҡа ашырыу сиктәрендә 4 меңдән ашыу берәмек медицина ҡорамалы һәм 206 берәмек автотранспорт алыу күҙаллана.

Билдәле булыуынса, “Һаулыҡ һаҡлау” (национальный проект “Здравоохранение”) милли проекты Рәсәй Президенты Владимир Путиндың май указы менән булдырылды.

Фото: Һаулыҡ һаҡлау министрлығы.