Йәш эшҡыуарҙарға ярҙамға

 “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты (национальный проект “Малое и среднее предпринимательство и поддержка индивидуальной предпринимательской инициативы”) буйынса күрһәтелгән микрофинанс дәүләт ярҙамы Өфөнән йәш эшҡыуарға массажерҙар, спа-салоны өсөн кәрәкле ҡорамалдар алырға булышлыҡ иткән. Шулай уҡ 600 мең һум күләмендәге аҡса уникаль авторлыҡ косметика брендының ассортиментын киңәйтергә лә мөмкинлек бирә.

 -Башҡортостандың микрокредит компанияһы эш башлағанда отошло шарттарҙа займдар тәҡдим итә. Ике йылдан да аҙыраҡ ваҡыт эшләп килгән башланғыс бизнес өсөн йыллыҡ 8 процент менән 5 миллион һумға тиклем займ алыу мөмкинлеге бар. Был шарттар уңайлы. Эшҡыуарҙарға әйләнештәге аҡсаларын һөҙөмтәле тулыландырырға,  үҫешкә инвестицияларға, үҙенең эшмәкәрлеген киңәйтергә юл аса, - ти Башҡортостандың Эшҡыуарлыҡ һәм туризм министры вазифаһын башҡарыусы Зөһрә Гордиенко. 

 Айгөл Губачева бизнес менән бер йыл шөғөлләнә һәм уны киңәйтергә ниәтләй. Был өлкәнең барлыҡ нескәлектәрен өйрәнеү өсөн ул массаж һәм спа-технолог мастерына уҡыу үткән. Шулай уҡ квалификация күтәреү курсын тамамлаған. Бынан тыш, эшҡыуар үҙенең хәүефһеҙ спа-программаларын булдырған. Яҡын көндәрҙә ул иркенерәк бинала яңы адрес буйынса салон асырға ниәтләй.

 Милли проекттар 2019 йылдан Рәсәй Президенты Владимир Путин ҡарары менән тормошҡа ашырыла.

Фото: Башҡортостан Хөкүмәте сайтынан.