Ишембайҙа "Милләттәр кросы" уҙҙы

Бөтә Рәсәй йүгереү көнө сиктәрендә Башҡортостан Республикаһының Ишембай ҡалаһында йыл һайын үткәрелеүсе "Милләттәр кросы" үтте, ул "Демография" милли проектының "Спорт - йәшәү нормаһы" федераль проекты маҡсаттарына ярашлы уҙҙы. Күмәк йүгереүҙә муниципаль ойошмалар, предприятиелар, уҡыу йорттары, шулай уҡ ауыл биләмәләре командалары ҡатнашты.

Ир-егеттәр һәм ҡатын-ҡыҙҙар араһында 600, 1000 һәм 2000 метр араға йүгереү ойошторолдо. Бөтә ҡатнашыусылар ҙа үҙҙәренең маршруттарын лайыҡлы үтте, ә иң етеҙҙәре миҙалдар һәм грамоталарға лайыҡ булды. Команда зачётында урындар түбәндәгесә билдәләнде:

Ауыл советтары: беренсе урын -Ишәй ауыл советы, икенсе урында -Маҡар ауыл советы, өсөнсө урында - Петровск ауыл советы.

Уҡыу йорттары: беренсе урын – Ишембай нефть колледжы, икенсе урын – А.В.Доставалов исемендәге Волга буйы федераль округының Башҡортостан кадет корпусы, өсөнсө урында - Ишембай һөнәрселек колледжы.

Предприятиелар һәм учреждениелар: беренсе урында – райондың Мәҙәниәт учреждениелары, икенсе урында – Рәсәй Һалым хеҙмәтенең 25-се район-ара инспекцияһы, өсөнсө урында - 32-се балалар баҡсаһы.

"Сәләмәт йәшәү рәүеше Рәсәй йәмғиәтендә ныҡлы позицияларҙы биләй. Көрәш менән мауығыуығыҙмы, күнекмәләр залына йөрөйһөгөҙмө йәки паркта йүгерәһегеҙме – мөһим түгел, иң мөһиме һаулыҡ өсөн файҙа “, - тип билдәләне сараны ойоштороусылар.

Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды.

Фото: Ишембай районы хакимиәте.