Телде ошолай өйрәнеүе яҡшыраҡ

“Мәғариф” милли проектының “Һәр баланың уңышы” проекты сиктәрендә Салауат ҡалаһында уҡыусыларҙың инглиз теле буйынса Бөтә Рәсәй олимпиадаһына әҙерлек маҡсатында картиналар галереяһына дәрес-экскурсия ойошторолдо.

Экскурсияларға инглиз теле буйынса “Һәләтлелек үҙәге” мәктәп-ара берләшмәһенә йөрөүсе төрлө дөйөм белем биреү ойошмаларынан уҡыусылар килде. 1-се лицейҙың һәм 20-се мәктәптең инглиз теле уҡытыусылары етәкселегендә балалар Санкт-Петербург ҡалаһынан талантлы рәссам Сергей Артемьевтың картиналары менән танышты. Уҡыусылар “Рим фәҡире” картинаһының тарихы тураһында ҡыҙыҡһынып тыңланы. Экскурсия мәктәп уҡыусыларының олимпиада эштәрен телдән һөйләү форматында башҡарыуы менән тамамланды. Шул рәүешле балалар ысынбарлыҡҡа сумды һәм мәсьәләләр буйынса фекер алыша алды.

Уҡытыусылар һәм уҡыусылар сараның юғары кимәлен билдәләне. Балалар билдәләүенсә, экскурсия бик мауыҡтырғыс, мәғлүмәтле һәм дәртләндергес булды, сөнки һәр кем сит телде бындай формаль булмаған шарттарҙа өйрәнә алмай.  Күргәҙмәгә ҡуйылған картиналарҙың төрлөлөгө балаларҙа айырыуса һоҡландырҙы. Уҡыусыларҙың ҡайһы берҙәре ошонда ҡабаттан ҡайтырға һәм галереяла тәҡдим ителгән эштәр менән ентекләберәк танышырға теләк белдерҙе.

Билдәле булыуынса, “Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды.

Фото: Салауат ҡалаһы хакимиәте.