Һигеҙ кеше ярҙам алды

“Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” милли проектын һәм “Социаль контракт нигеҙендә аҙ тәьмин ителгән яңғыҙ йәшәгән граждандар һәм аҙ тәьмин ителгән ғаиләләргә адреслы социаль ярҙам биреү тәртибе тураһында” дәүләт программаһын тормошҡа ашырыу сиктәрендә Башҡортостан Республикаһының Нефтекама ҡалаһының Кадрҙар үҙәгендә АСПК сиктәрендә бизнес-проекттарҙы ҡарау буйынса комиссияның сираттағы ултырышы үтте.

Комиссия ағзалары һигеҙ проектты ҡараны. Улар һайланған эшҡыуарлыҡ эшмәкәрлеге төрөнөң көнүҙәклеген, дәғүәсенең һайлаған өлкәлә эшләү тәжрибәһе, профессиональ белеме һәм квалификацияһы булыуын, һатыу баҙарын анализлауҙы һәм тауар/хеҙмәттәр һатыу күләмен, үҙ аҡсаһын һалыуҙы баһаланы.

Ир-егеттәр – яңы эш башлаусы эшҡыуарҙар иретеп йәбештереү эштәрен башҡарыу һәм автомобиль фарҙарын ремонтлау буйынса проекттарын тәҡдим итте.  Кондитер изделиелары һәм ҡатын-ҡыҙ кейеме етештереү – адреслы социаль ярҙамға дәғүә иткән эшҡыуар ҡатын-ҡыҙҙар тап ошолар менән шөғөлләнә лә инде. Шулай уҡ бизнестың ижади йүнәлеше вәкилдәре лә булды, улар декоратор һәм фотограф хеҙмәттәрен күрһәтергә планлаштыра. Бер үҙмәшғүл ҡатын коосметолог хеҙмәттәре күрһәтәсәк.

Комиссия йомғаҡтары буйынса бөтә дәғүәселәргә эшҡыуарлыҡ эшмәкәрлеге алып барыуға һәм үҙ-үҙеңде эш менән тәьмин итеүгә 350 мең һум күләмендә субсидия бирелә.

Билдәле булыуынса, “Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды.

Фото: Нефтекама ҡалаһы хакимиәте.