Балалар ҡанаттарын асты

Өфөлә III "Беҙ ҡанаттарҙы асабыҙ!" республика конкурс-фестивале үтте. Үҙенсәлекле балалар ҡатнашлығындағы инклюзив проект менән Башҡортостандың Дәүләт оркестры таныштырҙы. Инклюзив конкурсты Башҡортостандың Мәҙәниәт министрлығы булдырған һәм ул "Мәҙәниәт" милли проектының "Ижади кешеләр" проекты сиктәрендә Һаулыҡ мөмкинлектәре сикләнгән кешеләр тураһында хәстәрлек күреү йылында уҙғарыла.

Бөрө балалар сәнғәт мәктәбе уҡыусылары уҡытыусылар етәкселегендә республиканың баш дирижеры, халыҡ артисы Дмитрий Крюков етәкселегендәге Дәүләт академия симфоник оркестры менән бергә иҫ киткес сығыш яһаны.

Быйыл гала-концерт Башҡорт дәүләт опера һәм балет театры сәхнәһендә үтте: һайлап алыу турынан үткән лауреаттар республиканың төп оркестры - Башҡортостандың Дәүләт академия симфоник оркестры менән бергә аншлагта сығыш яһаны.

Үҙенсәлекле балаларҙың потенциалын үҫтереү һәм тормошҡа ашырыу, уларҙың социаль яраҡлашыуы, ихлас аралашыу мөмкинлеге һәм республиканың сағыу ижади коллективтарының береһе яғынан профессиональ ярҙам "Беҙ ҡанаттарҙы асабыҙ!" конкурсының үҙенсәлекле һыҙаттары булып ҡала.

Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды.

Фото: Бөрө районы хакимиәте.