Тәтешле районында "Сикһеҙ спорт" фестивале үтте

 “Демография” милли проектының “Спорт – йәшәү нормаһы” федераль проекты сиктәрендә Тәтешле районы Үрге Тәтешле ауылының “СПОРТ планетаһы” физкультура-һауыҡтырыу комплексында Халыҡ-ара инвалидтар көнөнә арналған “Хеҙмәткә һәм оборонаға әҙер” бөтә Рәсәй физкультура-спорт комплексы фестивале үтте.

Фестиваль төрлө йәштәге һаулыҡ мөмкинлектәре сикләнгән 30-ҙан ашыу ҡатнашыусыны йыйҙы. Улар ГТО комплексы нормативтарын тапшырыуҙа үҙ көсөн һынап ҡарарға булды. Сарала ҡатнашыусылар үҙҙәренең оҫталыҡтарын ғына түгел, шулай уҡ түҙемлек күрһәтеп, һоҡланғыс физик сифаттарын да күрһәтте. Уларҙың һәр береһе мөмкин булмаған нәмә юҡлығын һәм, сикләүҙәргә ҡарамаҫтан, бөтә кешеләр өсөн физик әүҙемлек мөһим икәнлеген иҫбатлап, башҡалар өсөн өлгө булды.

“Хеҙмәткә һәм оборонаға әҙер” бөтә Рәсәй физкультура-спорт комплексының “Сикһеҙ спорт” фестивале еңеүселәренә һәм призерҙарына дипломдар, миҙалдар һәм бүләктәр тапшырылды. Шулай уҡ һаулыҡ мөмкинлектәре сикләнгән балаларға ГТО айырма билдәләре тапшырылды.

“Ысынлап та, бөтә ауырлыҡтарға ҡарамаҫтан сыҙамлыҡ һәм сабырлыҡ күрһәткән кешеләрҙе күҙәтеү дәртләндерә. Уларҙың ГТО нормативтарын тапшырырға һәм үҙҙәрен еңергә ынтылыуы ҡаһарманлыҡ һәм маҡсатҡа ынтылыш хаҡында һөйләй”, - тип билдәләнеләр Тәтешле районы хакимиәтендә.

Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды.

Фото: Тәтешле районы хакимиәте.