Етештереүсәнлек ике тапҡырға артҡан

“Форт Диалог” компанияһының производство участкаларының береһендә етештереүсәнлекте ике тапҡырға арттырыу өсөн өс ай кәрәк булды, тип хәбәр итә Башҡортостан Хөкүмәтеның матбуғат хеҙмәте. Быға компанияның  “Хеҙмәт етештереүсәнлеге” милли проектында (национальный проект “Производительность труда”) ҡатнашыуы булышлыҡ итә.

“Форт Диалог” компанияһы милли проектҡа июнь аҙағында ҡушыла.  

- IT тармағына дәүләт кимәлендә ҙур  иғтибар күрһәтелә. Башҡортостандың компетенциялар үҙәге эксперттарының һаҡсыл производство буйынса  ярҙамы менән предприятие үҙенең позицияһын тағы ла нығытасаҡ һәм һөҙөмтәлерәк эшләйәсәк, - тине Башҡортостандың иҡтисади үҫеш һәм инвестиция сәйәсәте министры Рөстәм Моратов.

Төбәктең компетенциялар үҙәге эксперттары предприятиеға һөҙөмтәлелек менән визуаль идара итеүҙең стендын индерҙе, ике аҙналыҡ планлаштырыу ойошторҙо, смета бүлеге, һатыуға ярҙам итеү хеҙмәте , проект етәкселәре араһында бәйләнеште көйләне.

Күрелгән саралар ҙур һөҙөмтәләргә килтерҙе. “Форд Диалог” компанияһының Өфө филиалы директоры Вильнар Хәбибов әйтеүенсә, компанияның “Хеҙмәт етештереүсәнлеге” милли проекты сиктрендә ыңғай эш һөҙөмтәһе бар.  

Милли проекттар Рәсәй Президенты Владимир Путиндың "май" указы менән тормошҡа ашырыла.

  Фото: “Башҡортостан” ДТРК-һы.