Еңеүсе проекттар үҙ урынын табасаҡ

Быйыл Башҡортостанда Ҡала мөхитен уңайлы итеү буйынса иң яҡшы проекттарға Бөтә Рәсәй конкурсында еңеп сыҡҡан биш проектты тормошҡа ашырыу башлана. Бының өсөн федераль сығанаҡтан бүленгән дөйөм сумма – 1,6 миллиард һум.

Был эш ”Торлаҡ һәм ҡала мөхите” милли проекты (национальный проект “Жилье и городская среда”)  ярҙамында тормошҡа ашырыла һәм түбәндәге проекттарға йүнәлтелә:

“Новаторҙар бульвары” – Бәләбәй ҡалаһындағы бульварҙы һәм майҙанды кеше тормошо һәм үҫеше, ҡаланың сәнәғәт тарихы метафораһына әйләндереү.

“Нефтекама: заман күсәре” – Ленин урамындағы аллеяны ҡала үҫешенә арнап үҙгәртеү.

“Йәкшәмбе рәттәре” – Благовещен ҡалаһында тарихи ҡиммәттәрҙе, визуаль образдарҙы үҙ эсенә алған уңайлы һәм заманса урам булдырыу.

“Салауат: өн аша ете төш” – Салауат ҡалаһының үҙәк йәмәғәт киңлектәрен берләштереү.

“Урал батыр юлы” – Учалы ҡалаһы паркында ваҡиғалар биләмәһен яңыртыу, спорт майҙансыҡтары өҫтәү, балалар уйыны майҙанын тулыһынса үҙгәртеү.

Фото: “Башинформ”.