Стәрлетамаҡта Киров паркын яңыртыу дауам итә

Былтыр “Торлаҡ һәм ҡала мөхите” милли проектының (национальный проект “Жильё и городская среда”) “Уңайлы ҡала мөхитен булдырыу” программаһына ярашлы, Стәрлетамаҡ ҡалаһында Киров исемендәге паркты төҙөкләндерә башланылар. Быйыл эш яңыртылған милли проект – “Йәшәү өсөн инфрастуктура” (Национальный проект “Инфраструктура для жизни”) буйынса дауам итә, тип хәбәр итә БР Торлаҡ-коммуналь хужалығы министрлығы.

Милли проекттан алған ярҙам паркта сифатлы яҡтыртыу ҡорамалдары, бәләкәй архитектура һындары ҡуйырға, Тыныслыҡ атомына һәйкәлде, фонтанды яңыртырға мөмкинлек бирә, арт-объект та эшләп ҡуйыу көтөлә. “Өс ҡаҙ” тип аталған архитектур композиция ла барлыҡҡа килеүе ихтимал.

Әле паркта бәләкәй архитектура һындарын ҡуялар, спорт һәм балалар майҙансыҡтарында эш бара.

– Был тыныс, уңайлы ял итеү урыны була, ул ҡаланың тарихи өлөшөндәге үҙенсәлекле мөхитте тулыландырып торасаҡ, – тип билдәләй Стәрлетамаҡ хакимиәте башлығы Эмиль Шәймәрҙәнов.

Мәғлүмәт, фото: house.bashkortostan.ru/presscenter/news/722790/?ysclid=maw5u3i4ch252779168