Рәсәйҙе яңынан асабыҙ

4 - 13 августа Өфөнөң юғары уҡыу йорттары араһындағы кампусы "Башҡортостан: технологиялағы уйындар аша" төбәк-ара студенттар экспедицияһын ҡабул итә. "Берлога" киберфизик инновациялар оҫтаханаһы ойошторған сара интерактив белем биреү видеоуйындарын булдырыуға йүнәлтелгән.

Экспедиция Башҡортостан Мәғариф һәм фән министрлығы, Евразия фәнни-белем биреү үҙәге, ғилми-тикшеренеү институты түңәрәк хәрәкәте һәм "Йәштәр һәм балалар" милли проекты сиктәрендә төҙөлгән Өфөнөң юғары уҡыу йорттары араһындағы кампус ярҙамында үткәрелә. 

"Рәсәйҙе яңынан асабыҙ" федераль программаһына индерелгән был сара төбәктең йәштәр технология йүнәлешен үҫтереүҙә мөһим аҙым һанала.

– Экспедицияның төп маҡсаты – уҡыусыларҙы һәм студенттарҙы алдынғы технологиялар һәм кәрәкле һанлы һөнәрҙәр менән мауыҡтырғыс формала таныштырырлыҡ белем биреү видеоуйындары прототиптарын эшләү. Уйын аша йәштәр уңышлы ғилми карьера төҙөү өсөн потенциалды тап Башҡортостанда күрә аласаҡ. Экспедицияла Бөтә Рәсәйҙән төрлө йүнәлештәрҙән - программалауҙан һәм дизайндан алып тикшеренеүҙәргә, социаль аналитикаға тиклем 18 талантлы студент ҡатнаша. Командалар уйындың тулы циклын үтәсәк: аудитория ихтыяждарын анализлауҙан алып концепцияны әҙерләүгә һәм тест өлгөһөн булдырыуға тиклем, – тип һөйләне Башҡортостандың мәғариф һәм фән министры урынбаҫары Наталья Никитина.

Ҡатнашыусыларҙы уйын индустрияһының алдынғы белгестәренән кәңәштәр, оҫталыҡ дәрестәре көтә: Александр Егоров - VK Play-ҙа медиа һәм инди йүнәлеше етәксеһе, уйындарҙы продюсерлау һәм пропагандалауҙа 10 йылдан ашыу тәжрибәһе булған эксперт. Александр Шаров Lead Environment Artist, Halo Infinite һәм War Robots Frontiers кеүек проекттар өҫтөндә эшләгән, шулай уҡ инди-проектының арт-директоры. Марсель Лотфуллин - ninsar студияһының уйын дизайнеры. Games, GameDev буйынса бөтә Рәсәй уҡыусылары олимпиадаһын ойоштороусы. Валерия Кирышева - "Берлога" проектының уйын берләшмәләре менән эшләү йүнәлеше етәксеһе. Валерия Андруша - "Берлога"ның баш белгесе, ИТА РМ РОО идараһы рәйесе, бөтә Рәсәй һәм республика мәғариф форумдары авторы һәм ойоштороусыһы.

Экспедиция программаһы бай һәм үҙ эсенә ошондай эштәрҙе ала: ғалимдар, студенттар һәм технология лабораториялары вәкилдәре менән тикшеренеүҙәр һәм интервьюлар; урындағы үҙенсәлеккә нигеҙләнгән уйындың уникаль концепцияһын әҙерләү; Башҡортостандың этнографик элементтарын өйрәнеү, "Турахан" мавзолейының визит үҙәгендәге уйын объекттарына артефакттарҙы күсереү буйынса оҫталыҡ дәресе; уйын прототибын туранан-тура эшләү һәм тормошҡа ашырыу; ялан һынауҙары; VK play, ninsar һәм башҡа уйын студиялары профессионалдары менән эшләү; ҡала мөхитендә уйнау өсөн визуаль һәм тауыш биҙәлешен эҙләү буйынса киске тикшеренеү программалары; эксперттар, юғары уҡыу йорттары вәкилдәре һәм индустриаль партнерҙар өсөн финал проекттарының асыҡ презентацияһы. Ҡатнашыусылар фәнни асыштар, ижади тәжрибә алымдары мөхитенә инеп кенә ҡалмай, ә Өфөнө киләсәк ҡалаһы булараҡ яңынан күҙ алдына килтерә аласаҡ, унда мәҙәниәт, технологиялар, мәғариф төбәктең яңы үҙенсәлеген формалаштыра. Экспедицияның һөҙөмтәһе булып йәштәрҙе заманса технологияларға йәлеп итеү, технологик үҫеш, сифатлы белем биреү кимәле юғары булған төбәк булараҡ Башҡортостандың ыңғай имиджын формалаштырыу маҡсатында әҙер эш прототиптары торасаҡ.

Башҡортостан илдә тәүгеләрҙән булып йәш таланттарҙың потенциалын асыу, юғары технологияларға, фәнгә иғтибар йәлеп итеү өсөн геймификация методологияһын ҡуллана башланы. Өфөлә вуз-ара кампус базаһында 2024 йылдан киберфизик инновациялар оҫтаханаһы эшләй, ул "Берлога" милли киберфизик платформаһының бөтә Рәсәй методик координация үҙәгенә әүерелде. Бында йәш белгестәр һәм инженерҙар берләшмәһе йыйыласаҡ, төбәк иҡтисадын, илдең технология суверенитетын үҫтереүҙең алға китеш йүнәлештәре менән бәйле проекттар пилотһыҙ системалар, киберфизика һәм видеоуйындар эшләйәсәк. "Берлога" уйындары 600 меңдән ашыу уйынсыны үҙ эсенә ала.

Фото: Башҡортостан Республикаһы Хөкүмәтенең матбуғат хеҙмәте.