Топ-менеджерҙар бушлай белем алды

Башҡортостандың топ-менеджерҙары милли проект сиктәрендә эш һөҙөмтәлелеге менән идара итеү инструменттарын үҙләштерҙе .

Башҡортостандың Төбәк компетенциялар үҙәгендә "Һөҙөмтәле һәм конкурентлы иҡтисад" (национальный проект «Эффективная и конкурентная экономика») милли проектының "Хеҙмәт етештереүсәнлеге" федераль проектында ҡатнашҡан предприятиеларҙың 20-нән ашыу топ-менеджеры быйыл икенсе бушлай уҡыуҙы тамамланы.

«Һөҙөмтәлелек менән идара итеү системаһы» темаһына квартал һайын уҙғарылған тренинг 9 компания вәкилдәрен йыйҙы, тип хәбәр итәләр Хеҙмәт етештереүсәнлеге өлкәһендәге Төбәк компетенциялар үҙәгенән.

"Һөҙөмтәлелек менән идара итеү – тотороҡло үҫеш асҡысы. Менеджерҙар әҙерләү предприятиеларҙың стратегик маҡсаттары өсөн эшләгән система булдыра", - тип һыҙыҡ өҫтөнә алды Башҡортостандың иҡтисади үҫеш һәм инвестиция сәйәсәте министрының беренсе урынбаҫары Айрат Фәхретдинов.

Уҡыу барышында ҡатнашыусылар маҡсаттарға өлгәшеү  өсөн төп ҡоралдарҙы үҙләштерҙе: 5 йылға стратегик планлаштырыу, бүлектәр өсөн “Маҡсат ағасы” төҙөү. Сараның практик өлөшө ҡатнашыусы компаниялар реаль осраҡтары буйынса етештереү осрашыуҙарын моделләштереүҙе үҙ эсенә алды.

Был алымдарҙы тормошҡа ашырыу предприятиеларға бүлектәрҙең бурыстарын компания стратегияһы менән синхронлаштырырға, етәкселәр өсөн берҙәм KPI  системаһын тормошҡа ашырырға һәм яуаплылыҡ өлкәләрен аныҡ бүлеү аша оператив хәүефтәрҙе кәметергә мөмкинлек бирәсәк.

Топ-менеджерҙар әҙерләү республикалағы предприятиеларҙың конкурентлыҡ һәләтен күтәреү буйынса РЦК РБ-ның системалы эшенең бер өлөшө булып тора. Киләһе уҡыу 2025 йылдың ноябренә билдәләнгән.

Быларҙың барыһы ла ил Президенты Владимир Путиндың яңыртылған милли проектарына ярашлы башҡарыла.

Фото: gtrkrb.ru