Ҡырмыҫҡалы районында яңы табип амбулаторияһы асылды

Ҡырмыҫҡалы районының Олокүл ауылында яңы табип амбулаторияһы асылды. Был «Оҙайлы һәм әүҙем тормош» (национальный проект «Продолжительная и активная жизнь») милли проектын ғәмәлгә ашырыу һөҙөмтәһендә мөмкин булды, тип хәбәр итә республиканың Һаулыҡ һаҡлау министрлығы.

Амбулаторияла пациенттарҙың уңайлығы һәм медицина персоналының эше өсөн барлыҡ шарттар ҙа булдырылған. Иркен һәм яҡты биналар заманса стандарттарға һәм санитар нормаларға тап килә. Бында көндөҙгө стационар, процедура һәм прививка яһау кабинеттары, шулай уҡ акушер-гинеколог, педиатр, терапевт һәм стоматолог өсөн айырым кабинеттар бар. Хәҙер Олокүл халҡы уларҙың һаулығы ышаныслы ҡулдарҙа икәненә ышана ала. 4900-ҙән ашыу өлкән кеше һәм 772 бала уңайлы шарттарҙа сифатлы медицина ярҙамы алыу мөмкинлегенә эйә буласаҡ.

— «Оҙайлы һәм әүҙем тормош» милли проектын тормошҡа ашырыу һаулыҡ һаҡлау инфраструктураһын ярайһы уҡ яҡшыртырға мөмкинлек бирә. Олокүл ауылындағы яңы амбулатория кеүек заманса учреждениелар алыҫ урынлашҡан биләмәләрҙә йәшәүселәр өсөн сифатлы медицина ярҙамы менән ҡулланырға мөмкинлек бирә һәм халыҡтың һаулығын нығытыуға булышлыҡ итә, - тип билдәләне Ҡырмыҫҡалы үҙәк район дауаханаһының баш табибы Феликс Саҡаев.

Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.

Беҙҙең МАХ каналына max.ru/gazetabash... ҡушылығыҙ!