Эшҡыуарҙарҙы Алматыға тау күргәҙмәһенә саҡыралар

Башҡортостандың Тышҡы иҡтисади бәйләнештәр һәм конгресс эшмәкәрлеге министрлығы бизнесты 31-се “Тау ҡорамалдары, мәғдәндәр һәм минералдар сығарыу һәм байыҡтырыу” Үҙәк Азия халыҡ-ара күргәҙмәһендә ҡатнашырға саҡыра. Сара 16-18 сентябрҙә Алматыла уҙа. Был “Халыҡ-ара кооперация һәм экспорт»” (национальный проект !Международная кооперация и экспорт”) милли проектын ғәмәлгә ашырыу сиктәрендә мөһим аҙым булып тора, ул компанияларға сит ил баҙарына сығырға ярҙам итә, тип хәбәр иттеләр ведомствола.

— Ҡаҙағстан Башҡортостандың тышҡы сауҙа әйләнешендә 16,9% өлөш менән икенсе урынды биләй, һәм республиканың тау-металлургия комплексы ошо хеҙмәттәшлек драйверҙарының береһе булып ҡала. Туҡыма, аҙыҡ-түлек һәм химия продукцияһын поставкалау үҫә. Ошондай динамиканы иҫәпкә алып, профилле күргәҙмәлә ҡатнашыу - ышаныслы партнерҙар табыу һәм баҙарҙа позицияларҙы нығытыу өсөн һәйбәт мөмкинлек, - тине Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева.

Күргәҙмә күптән инде Үҙәк Азиялағы төп профессиональ майҙансыҡтарҙың береһенә әйләнгән. Бында ҡорамал етештереүселәр, технология менән тәьмин итеүселәр, тау-металлургия холдингы вәкилдәре һәм тармаҡ эксперттары осраша.

Килеүселәр ер өҫтө һәм ер аҫты эштәре өсөн техниканы, рудаларҙы байыҡтырыу, геология-разведкалау, автоматлаштырыу, сәнәғәт хәүефһеҙлеге өсөн ҡарарҙарҙы һәм башҡаларҙы күрәсәк. Эшлекле программала - хеҙмәттәшлек перспективалары һәм инвестиция проекттары тураһында түңәрәк өҫтәлдәр һәм семинарҙар.

Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.