Башҡортостан һеҙҙең менән!

Бөгөн республика Башлығы Радий Хәбиров социаль селтәрҙәге сәхифәһендә түбәндәге яҙма менән уртаҡлашты: “Эйе, был – биатлон эстафетаһында бронза. Эйе, еңеүҙе ҡулдан ысҡындырыуҙары үкенесле. Әммә был – планеталағы төп ярыштарҙағы бронза. Һәм спортсыларыбыҙға - афарин, улар көрәште! Беҙҙең Эдуард Латиповты һәм Рәсәй йыйылма командаһы егеттәре Александр Логиновты, Максим Цветковты, Кәрим Хәлилиҙе һәм уларҙың тренерҙарын был миҙал менән ҡотлайым. Башҡа старттарҙа – уңыштар! Башҡортостан һеҙҙең менән!”

Шулай уҡ Башҡортостандың Республикаға идара итеү үҙәге социаль селтәрҙәге сәхифәһендә түбәндәгеләр хаҡында белдерҙе. “Барлыҡ эш туҡтаны, яҡшы, төшкө аш мәле. Олимпиада. Биатлон. Эстафета. Эйе, беҙ - өсөнсө! Әммә был – Олимпиадалағы бронза!!! Эдуард Латипов һәм барлыҡ егеттәр, афарин!!! Башҡортостандың Республикаға идара итеү үҙәге һеҙҙең менән һәм беҙ быны еңелеү тип һанамайбыҙ!”

Фотолар: Башҡортостан Башлығы Радий Хәбировтың социаль селтәрҙәге сәхифәһенән.

Видеояҙма: Республикаға идара итеү үҙәгенән.