Насар ғәҙәттән ҡотолоу хәйерле

* Туҡланыуҙа артыҡ һаҡ­сыллыҡтан, сифатлы аҙыҡ-түлеккә аҡса йәлләүҙән ҡото­лоғоҙ. Ни тиһәң дә, яҡшы ризыҡ – сәләмәт, оҙайлы ғүмер нигеҙе.

* Мөмкин булғанда, йәйәү йөрөргә тырышығыҙ. Хәрәкәттә – бәрәкәт, зифа буй-һынығыҙ­ҙы оҙаҡ йылдарға һаҡлар­һығыҙ.

* Ресторан-кафеларҙағы шикләнеү тыуҙырған аҙыҡ-түлектән баш тартығыҙ. Аш­ҡаҙан эшмәкәрлегенең аҙ ғына боҙолоуы, ағыуланыу ор­ганизмдың көс-хәлен ала. Һыуытҡыста һаҡланыуына ҡарамаҫтан, ҡулланыу срогы сыҡҡан ризыҡтарҙың бөтәһен дә ташларға тура килер.

* Әгәр ҙә хеҙмәтегеҙ ултырып эшләү менән бәйле булһа, һәр сәғәт һайын өс кенә ми­нутығыҙҙы күнегеүҙәргә бүле­геҙ. Ҡул һәм аяҡтарығыҙҙы һуҙғылағыҙ. Кәүҙәгеҙҙе уңға-һулға борғолағыҙ, яурындары­ғыҙҙы бер күтәреп, бер төшө­рөгөҙ.

* Был кәңәшебеҙ бер аҙ сәйер ҙә, үтәлмәҫлек тә булып тойолор: тулҡынланмағыҙ! Кеше ни тиклем үҙен йышыраҡ көсөргәнештә тота, шул тиклем тиҙерәк ҡартая. Өҫтәүенә стресс – йөҙҙә һырҙар бар­лыҡҡа килеүенең һәм сәс ҡойолоуының төп сәбәпсеһе.

* Йәшелсә, емеш-еләкте кәрәгенән артығыраҡ “запас”ҡа һатып алырға тырышмағыҙ.

* Асыуығыҙ килһә, эсегеҙгә йыймағыҙ, киреһенсә, уны нисек тә тышҡа сығарыу яйын күрһәгеҙ, сәләмәтлегегеҙгә зыян килмәҫ.

* Бөкөрәйеп йөрөмәгеҙ, ултырғанда ла, йөрөгәндә лә арҡағыҙ төҙ булһын. Күп кенә сирҙәрҙең умыртҡа бағана­һының кәкрәйеүе менән бәйле булыуын онотмағыҙ.

* Ваҡытында ғаилә ҡороғоҙ. Башлы-күҙле кешеләр яң­ғыҙаҡ­тарға ҡарағанда оҙағы­раҡ йәшәй, тип иҫбатлай төрлө ил ғалимдары.